Bakuna Laban sa Covid-19: Sino ang Mauuna?

MANILA, Philippines — INAASAHANG darating sa Pilipinas ngayong buwan ng Enero ang unang batch ng mga bakuna laban sa coronavirus disease o Covid-19.

Dahil dito, inaasahan din ang agad pagsisimula ng pamamakuna laban sa Covid-19. Pero ang tanong, sino ang mauuna? Kaugnay nito, inilabas ng Task Force on Covid-19 ang mga grupo na mabibigyan ng prioridad para sa Covid-19 vaccination.

Ang Interim National Immunization Technical Advisory Group (iNITAG) umano ang bumuo ng listahan at aprobado na ito ng Inter-Agency Task Force on Emerging Infectious Disease.

Kagaya ng inaasahan, mga frontline workers sa mga health facilities ang pinaka-una sa listahan.

“They have highest exposure by their nature of work and should be protected to preserve the health system capacity,” ang bahagi ng pahayag ni Health Undersecretary Maria Rosario Vergeire.

BASAHIN: Mga tatanggi sa Covid-19 vaccine na ibibigay ng gobyerno, ilalagay sa ‘bottom list’ ayon sa DOH

Ads

Susunod sa mga health workers ang mga senior citizens dahil ang mga ito ang nasa age group na may mataas na bilang ng mga namamatay dahil sa Covid-19. Pangatlo ang mga person with comorbidities.

Narito naman ang kompletong listahan na inilabas ng ahensiya:

• A1: Frontline workers in health facilities both national and local, private and public, health professionals and non-professionals like students, nursing aides, janitors, barangay health workers, etc.
• A2: Senior citizens aged 60 years old and above
• A3: Persons with comorbidities not otherwise included in the preceding categories
• A4: Frontline personnel in essential sectors including uniformed personnel and those in working sectors identified by the IATF as essential during Enhanced Community Quarantine
• A5: Indigent population not otherwise included in the preceding categories
• B1: Teachers, social workers
• B2: Other government workers
• B3: Other essential workers
• B4: Socio-demographic groups at significantly higher risk other than senior citizens and indigenous people
• B5: Overseas Filipino workers
• B6: Other remaining workforce
• C: Rest of the Filipino population not otherwise included in the above groups

BASAHIN: 10 Bagay na Dapat Tandaan Kung Magpapabakuna Laban sa Covid-19

Ads

Sponsored Links

Samantala, sinabi naman ni Presidential spokesperson Harry Roque na pipiliin ang mga lugar na mauuna sa Covid-19 vaccination base sa mga sumusunod na mga basehan:

• Current active cases, attack rate per 100,000 population in the past four weeks and population density
• Vaccination site and/or readiness of local government unit, particularly, its supply chain capacity

Nilinaw din ni Roque na ang unang batch ng Pfizer/BioNTech vaccine ang ibibigay sa mga healthcare workers.

BASAHIN: OFW na Nawalan ng Trabaho Dahil sa Covid-19, Tatanggap ng tig-P10,000 Pag-uwi!

Inaasahang darating sa Pilipinas ang 117,000 doses ng Pfizer/BioNTech ngayong buwan sa pamamagitan ng Covax Facility, na inisyatibo ng World Health Organization.

• Ang unang batch ng mga bakuna ay ibibigay umano sa mga frontliners sa mga sumusunod na pasilidad:
• COVID-19 dedicated hospitals
• COVID-19 referral hospitals
• DOH-owned hospitals
• LGU hospitals
• Hospitals for uniformed services/personnel
• Private hospitals

Target ng Pilipinas na maka-secure ng kabuuang 146 hanggang 148 million vaccine doses para sa pamamakuna sa 70 million population ngayong taon lamang.

ALAMIN: COVID-19: Paano Mo Malalaman na Mahina ang Immune System Mo?

©2020 THOUGHTSKOTO

www.jbsolis.com, www.jbsolis.net, www.bahayofw.com

10 Bagay na Dapat Tandaan Kung Magpapabakuna Laban sa Covid-19

MANILA, Philippines — KINUMPERMA ng gobyerno ng Pilipinas na nasa 1 million doses ng bakuna laban sa coronavirus disease o Covid-19 ang darating sa bansa sa darating na Pebrero.

Ang nasabing mga bakuna ay mula sa Astrazenica, Pfizer mula sa COVAX facility, at Sinovac.

Dahil dito, posible umanong mas maagang masimulan ang pamamakuna sa bansa.

Kung naghahanda ka sa pagpapabakuna, narito ang 10 mga bagay na iminumungkahi ng mga health experts na dapat nating gawin at hindi dapat gawin.

Basahin: Mga tatanggi sa Covid-19 vaccine na ibibigay ng gobyerno, ilalagay sa ‘bottom list’ ayon sa DOH

Ads

1. Magpa-bakuna kung schedule mo na.

Kung sa ibang bansa, may registration na ginagawa sa mga state o local health department para sa mga nagpapabakuna laban sa Covid-19, malaki ang posibilidad na ganito din ang mangyayari sa Pilipinas.

Una nang inihayag ng gobyerno na mauuna sa bakuna ang mga medical frontliners na susundan ng mga men-in-uniform o mga pulis at sundalo; mga vulnerable individuals, at mga indigents o mga residenteng walang kakayahang bumili ng bakuna.

2. Bago mag-duda, mag-research muna.

Huwag hayaang maapektuhan ng mga maling impormasyon ang desisyon mong magpabakuna. Hindi maikakailang may mga maling impormasyon na kumakalat sa social media ukol sa Covid-19 vaccine.

Kung may pagdududa sa bakuna, mag-research at magbasa mula sa mga pinagkakatiwalaang source gaya na lamang ng US Centers for Disease Control and Prevention (CDC) na isa sa maraming trusted organizations na may science-based facts ukol sa virus at sa mga available na bakuna.

Ads

3. Magpabakuna kahit nag-positibo na ng Covid-19.

Ayon sa CDC, malaki ang posibilidad ng re-infection sa Covid-19 dahilan kung bakit importanteng mabakunahan ang lahat laban sa nabanggit na sakit, kabilang na ang mga unang nag-positibo at gumaling sa virus.

Ngunit ayon sa CDC, para sa mga nabigyan ng monoclonal antibodies o convalescent plasma nang magkasakit ng Covid-19, kailangan mong maghintay ng 90 araw bago magpabakuna. Importante din na magpa-suri sa doktor bago magpa-schedule sa Covid-19 vaccine.

4. Huwag magpabakuna kung kasalukuyan kang may Covid-19 o na-expose sa Covid-19 positive.

Kung nag-positibo ka sa Covid-19 o na-expose sa taong may Covid-19, huwag kang pumunta sa vaccination site para magpabakuna hanggang sa hindi pa nawawala ang iyong sakit o kung hindi pa natatapos ang iyong isolation period.

Ito ang inihayag ni Dr. Michael Ison, professor sa division of infectious diseases and organ transplantation sa Northwestern University's Feinberg School of Medicine.

"Quite simply, you don't want to get people who are waiting in line sick. You don't want to get the health care staff sick," ang naging pahayag ni Ison.

Sponsored Links

5. Magpabakuna kahit na mayroon ka pang mga sintomas ng Covid-19 buwan na ang lumipas.

Dumarami ang bilang ng mga taong nagiging coronavirus "long-haulers" o mga taong patuloy na nakakaranas ng fatigue, brain fog, pananakit ng katawan at ulo, at iba pa, ilang buwan matapos napatay na ang virus sa kanilang sistema.

Ayon kay vaccine scientist Dr. Peter Hotez, professor at dean sa National School of Tropical Medicine sa Baylor College of Medicine sa Houston, hindi dapat maging rason ang mga nararanasang Covid-19 reactions para hindi magpabakuna. 

"We think long-haul symptoms are not due to active virus infection, but to prolonged inflammatory responses to the virus," ang naging pahayag ni Hotez.

6. Huwag magpaturok ng ibang bakuna sa loob ng 14 na araw matapos magpabakuna sa Covid-19

Ayon sa CDC, maghintay ng hindi bababa sa 14 na araw bago o pagkatapos magpaturok ng isa pang bakuna, kabilang na rito ang bakuna sa flu o shingles, upang makakuha ng bakuna sa Covid-19.

Ngunit kung aksidenteng nabakunahan ka sa loob ng dalawang linggo, importanteng ma-kompleto mo ang Covid-19 series ayon sa schedule nito.

7. Ipaalam sa mga vaccine staff ang iyong mga allergies at nakaraang allergic reactions.

Bihira ngunit may mga taong nakakaranas ng moderate-to-severe allergic reactions matapos nabigyan ng Moderna at Pfizer mRNA vaccines Dahil dito, siguruhing masabi sa mga vaccine staff o sa mga nurses sa vaccination site ang iyong mga nakaraang allergic reactions.

8.  Huwag magmaneho agad.

Ayon sa CDC, requirement sa lahat na nakatanggap ng coronavirus vaccine na maghintay ng 15 minuto bago mag-maneho. Kung mayroon namang severe allergic reaction ang isang tao, kinakailangan nitong maghintay ng hanggang sa 30 minuto bago magmaneho. Ito'y dahil posible umano ang adverse reaction gaya na lamang pagkahilo o mas malala pa habang nagmamaneho.

Kabilang sa mga common reactions ng bakuna ay ang pananakit at pamamaga ng injection site. May mga pagkakataon din umano at madalas nangyayari sa second Covid-19 shots kun saan nakakaranas ang mga nabakunahan ng Covid-like signs kagaya na lamang ng lagnat, labis na pagkapagod, pananakit ng ulo at panginginig.

9. Magpabakuna sa pangalawang shot ng Covid-19 vaccine inerekomendang time frame.

Ayon kay vaccine scientist Dr. Peter Hotez, professor at dean sa National School of Tropical Medicine sa Baylor College of Medicine sa Houston, importante ang ikalawang bakuna para sa siguradong proteksiyon.

"In looking at the Phase 1, Phase 2 data, what I saw with a single dose is some people had high levels of virus-neutralizing antibody, others were nonresponders,"

"So the major reason for the second dose is to get everybody to respond. If you just get a single dose, you don't really know where you stand."

Ayon sa CDC ang Pfizer-BioNTech doses ay dapat ibigay sa pagitan ng 21 araw habang ang pangalawang dose ng Moderna ay dapat ibigay 28 araw pagaktapos ng unang dose.

Ngunit kun problema umano ang pagpa-schedule para sa ikalawang dose, maaaring maghintay ng ilang araw pagkatapos ng due date o mas mahaba pa.

10. Panatilihin ang pagsusuot ng facemask at social distancing pagkatapos magpabakuna.

Ayon sa CDC, importante pa rin ang pagsusuot ng facemask at social distancing pagkatapos ng first at second dose ng Covid-19 vaccine.

Ito'y dahil ang first dose ay hindi nakakakapag-bigay ng sapat na immune response upang maproteksiyunan ang nabakunahan at mga taong nasa paligid nito. Ang ikalawang dose ng bakuna ang inaasahang magbibigay ng 95% protection sa loob ng isa hanggang dalawang linggo mula ng ibinigay ito, depende sa uri ng bakuna.

Sakabila nito, sinabi ng CDC na kahit fully vaccinated na ang isang tao, maaari pa rinitong maging carrier sang coronavirus.

"We ... don't yet know whether getting a COVID-19 vaccine will prevent you from spreading the virus that causes COVID-19 to other people," pahayag ng CDC.

Dagdag pa ng CDC upang maproteksiyunan ang iba, panatilihin ang pagsusuot ng facemask at social distancing, iwasan ang mga matataong lugar at ugaliin ang paghuhugas ng kamay.

©2020 THOUGHTSKOTO

www.jbsolis.com, www.jbsolis.net, www.bahayofw.com

Mga tatanggi sa Covid-19 vaccine na ibibigay ng gobyerno, ilalagay sa ‘bottom list’ ayon sa DOH

MANILA — KINUMPERMA ngayon ng Department of Health o DOH na ilalagay sa pinaka-huling listahan ng mga recipients ang sinomang Pinoy na tatanggi sa bakuna laban sa Covid-19 na ibibigay ng gobyerno.

Ayon kay Health Undersecretary Maria Rosario Vergeire, malayang pumili ang mga Pinoy ng brand ng Covid-19 vaccines na gusto ng mga ito, ngunit paalala niya, nasa state of public health emergency pa rin ang bansa.

“Ang napag-usapan, kung kayo po ay tatanggi, we will have to put you at the bottom of the list and we will give it to the next person in line as part of our priority. Hindi po natin ipipilit, very simple consent actually kaya nga lang po, mawawala ang chance niyo,” 

Ads

“You would go to the bottom of the line and the next time na puwede na kayo uli magpabakuna ay yan po kapag pagdating ng susunod ng delivery at kapag tapos na po ang sektor na kabilang po kayo,” ang bahagi ng pahayag ni Vergeire.

Nilinaw ni Vergeire na naiintindihan ng DOH ang mga rason kung bakit gusto ng mga Pinoy na pumili ng kanilang bakuna.

Sinabi din ng opisyal na hindi rin maaaring mag-demand ang sinomang Pinoy na unang tumanggi sa bakuna na mailagay ito sa priority list sa susunod na batch ng mga bakuna na ipapadala sa bansa.

“Kaya lang hindi po namin kayo puwede ilagay na… dumating yung another vaccine, kayo na ang priority, hindi po, hindi po ganun ang mangyayari. Uunahin natin yung iba pa pong priority population natin,” 

Ads

Town Hall on COVID - 19 Vaccine Deployment Plan

ATM: DOH spearheads Town Hall on COVID - 19 Vaccine Deployment Plan for MDs and Allied Healthcare Professionals #BeatCOVID19 #BIDASolusyon #ExplainExplainExplain #COVID19Vaccines #COVID19PH #WeHealAsOne

Posted by Department of Health (Philippines) on Wednesday, January 13, 2021

 

Sponsored Links

“Hindi namin sinasabi na diretsahan na hindi ka puwede mamili kasi may informed consent naman po kayo, you will have to give us the consent kung gusto niyo yung bakuna or hindi.” dagdag na pahayag ni Vergeire.

Sa survery na isinagawa ng Pulse Asia noong 2020, 47 porsyento sa mga Filipinos ang nagpahayag na hindi sila magpapabakuna laban sa Covid-19 dahil sa safety concerns.

Nasa 25 million dose na ng bakuna laban sa Covid-19 ang na-secure ng Pilipinas mula sa Sinovac Biotech ng China habang 30 million dose naman sa Serum Institute ng India.

Sinabi din ng Malacanang na posibleng makatanggap din ng paunang batch ng bakuna mula sa SU-based Pfizer at Russia's Gamaleya Institute sa Pebrero ang Pilipinas.

©2020 THOUGHTSKOTO

www.jbsolis.com, www.jbsolis.net, www.bahayofw.com