Carousel

Sponsored Links
SEARCH THIS SITE
JBSOLIS is a site for all about health and insurances, SSSOWWAPAG-IBIGPhilhealthbank loans and cash loansforeclosed propertiessmall house designs, local and overseas job listings.

Advertisement

Monday, May 24, 2021

Paano Magpa-rehistro Online at ano ang mga Requirements para magkaroon ng Philippine ID





MANILA, Philippines — MAHIGIT sa 1 million na ang bilang ng mga taong nagpa-rehistro para sa Philippine Identification System o PhilSys sa pamamagitan ng online o digital registration.

Dahil dito, patuloy pa rin na hinihikayat ng gobyerno ang mga Pinoy na i-avail ang Philippine Identification o PhilID, ang national ID ng Pilipinas ang tatapos sa mabagal at magastos na proseso sa pagkuha ng mga kinakailangang dokumento para sa iba't-ibang transaksiyon, pribado man o pampubliko.

Ayon sa Philippine Statistics Authority o PSA, mahigit isang milyon na ang nakapagtapos sa Step 1 ng PhilSys online registration, as of May 13 sa kabila ng technical problem na naranasan noong binuksan ito noong Abril 30.

Pinasisiguro naman ng PSA na patuloy ang kanilang pag-develop ng user-management strategies upang mapaganda ang website at ma-akomoda ang mas maraming registrant.

Ads


Layunin ng online step 1 registration process na mapalakas pa ang ugnayan ng publiko sa programa na hindi nako-kompromiso ang kaligtasan at safety protocols sa harap ng Covid-19 pandemic.

Una rito, nasa 34 million din na mga Pinoy ang nakatapos ng Step 1 process sa pamamagitan ng house-to-house registration.

Nitong buwan ng Mayo, sinimulan na rin ng PSA ang pagpapadala ng unang 956 PhilID cards sa pamamagitan ng Philippine Postal Corporation o PHLPost.

Ano ang proseso sa pagpa-rehistro online para sa Philippine National ID?
Ang Philippine Identification System o PhilSys ay identification platform ng national goverment para sa lahat na mga Filipino citizen kasama na ang mga resident aliens.

Ngayong 2021, target ng bansa na marehistro sa PhilSys ang 70 million Filipinos bago matapos ang taon.

Pinirmahan ni Pangulong Rodrigo Duterte ang Philippine ID System Law noong Agusto 2018 at sakop nito ang lahat na 108.1 million citizens.

Ads

May tatlong steps na dapat sundin ang sinomang aplikante para sa National ID

STEP 1 — Paano mag-sign up online?

Sa mga gustong magkaroon ng PhilID, mag-log on lamang sa 
https://register.philsys.gov.ph/ punan ang form at ibigay ang mga hinihinging impormasyon at i-sumite ang iyong application form. Kabilang sa mga impormasyong hihingin sa iyo ay ang mga sumusunod: Full name, gender, date at place of birth, blood type at address.

May mga optional information din na kokolektahin kagaya ng marital status, mobile number at email address.

Pumili ng appointment schedule para sa biometrics registration.

May confirmation na ipapadala sa naka-rehistrong mobile number at email address.

Siguruhing i-save ang kopya ng iyong Application Reference Number o ARN at ang iyong QR code na kailangang i-presenta sa registration center.

Tandaan, ihanda ang mga kinakailangang dokumento at dalhin sa araw ng appointment.



Sponsored Links



STEP 2 — Registration

Dito na kukunin ang biometric information ng isang aplikante para sa National ID. Kinabibilangan ito ng fingerprint, iris scan at photograph. Gagawin ito sa registration center sa araw ng inyong appointment.
Dito rin iba-validate sa mismong lugar ang mga iyong mga supporting documents.



STEP 3 —  Issuance ng PhilSys Number o PSN at PhilID.

Sakaling natapos mo na ang Step 1 & 2 sa application ng National ID, wala kanang dapat gawin kundi ang mag-hintay bilang bahagi ng Step 3.

Ito'y dahil mismong ang Philippine Postal Office o PHLPost ang magpapadala ng iyong PSN at PhilID sa mismong address na inilagay mo noong ikaw ay nagpa-rehistro.

Paalala ng Philippine Statistics Authority o PSA, iwasan ang pag-post sa social media ng inyong PhilID dahil makikita dito ang iyong personal information.

May bayad ba ang pagkuha ng PhilID?

Libre ang pag-apply ng PhilID ngunit may bayad na kung kukuha ka ng replacement dahil nawala o nasira mo ito.

Hindi naman pagbabayarin ng replacement fee ang mga holders ng “Certificate of Indigency” sa kondisyon na maipi-presenta nila ang kanilang certificate.

May validity ba ang PhilID?

Walang expiration ang PhilID na ibinibigay sa mga Filipino citizen nguit, isang taon naman ang validity ng PhilID na ibibigay sa mga resident aliens.

Non-transferable din ang PhilID na ibibigay sakaling ma-kompleto ng isang Filipino o resident alien ang proseso ng registration.

Replacement ba sa ibang government ID ang PhilID?

Hindi. Kinlaro ng PSA na hindi papalitan ng PhilID ang ibang IDs na may sari-sariling gamit gaya ng driver's license.

“The PhilID is a foundational ID which serves as a valid proof of identity which would help ease transactions with both government and private sector through easier validation and authentication of identity,” pahayag ng PSA.

Saan ang mga registration centers?

Hindi pa inanunsyo ng gobyerno ang mga registration centers. Ngunit ayon sa PSA, magse-set up sila ng mobile registration centers sa mga “strategic locations” sa iba't-ibang bahagi ng bansa.

“Currently, PSA is in coordination with LGUs, government agencies and the private sector to determine these locations. Further updates on the exact locations of registration centres will be released prior to the opening of PhilSys registration,” dagdag pa ng PSA.

Paano naman ang mga Overseas Filipino Workers o OFWs? 

Magsasagawa ang gobyerno ng mass registration para sa national ID ng mga overseas Filipino workers o OFWs. Ayon sa National Economic and Development Authority o NEDA na bahagi ng multiphase registration program para sa national ID o Philippine Identification System o PhilSys ang mass listing ng mga Filipino workers na nasa abroad.

Una nang pinlano noong 2020 ang registration ng mga OFWs ngunit naantala dahil sa coronavirus disease o Covid-19.




©2020 THOUGHTSKOTO

No comments: