Carousel

Sponsored Links
SEARCH THIS SITE
JBSOLIS is a site for all about health and insurances, SSSOWWAPAG-IBIGPhilhealthbank loans and cash loansforeclosed propertiessmall house designs, local and overseas job listings.

Advertisement

Wednesday, February 10, 2021

GSIS Enhanced Pension Loan: Sino ang Maaaring Umutang?





MANILA, Philippines — DAHIL sa pandemya, marami ang nangangailangan ng pera. Dahil dito, pinayuhan ng mga financial analysts ang mga Filipino na mangutang sa mga government financial institution sa halip na pumunta sa mga loan sharks na sobrang taas ang interes.

May mga loan program ang Pag-IBIG Fund, Social Security System o SSS, maging ang Government Service Insurance System (GSIS) na inaalok sa kani-kanilang mga miyembro na dapat ikonsidera.

Ngayong Pebrero, inihayag ni GSIS Executive Vice President Nora Malubay na malaki ang maaaring mautang ng mga pensioner ng GSIS sa ilalim ng enhanced pension program na nagsimula din ngayong buwan.


Ads


Magkano ang maaaring i loan?

Sa ilalim ng programa, aabutin nang hanggang P500,000 ang maaaring utangin ng lahat na mga pensioner.

"Ito pong enhanced pension loan, para po ito sa ating old-age pensioners o talaga nang tumatanggap ng pensiyon. Atin pong in-improve 'yung existing loan pension program natin. Paano natin in-improve? Mas malaki po ang kanilang loanable amount dito, maximum na P500,000,” ang naging pahayag ni Malubay sa isang public press briefing.

Para malaman kung magkano ang maaaring utangin, maaaring i-multiply ang basic monthly pension na tinatanggap mo sa 6.


Magkano ang interes?

Nasa 10% naman ang interes ng enhanced pension loan na mababayaran sa loob ng dalawang taon.

Ads

Sponsored Links



Sino ang Kwalipikado?

Kwalipikado sa enhanced pension loan ang lahat na matatandang miyembro ng GSIS. Ngunit kung may loan pa sa GSIS, dapat munang tapusin muna ang pagbabayad ng unang loan.

"Sa ating policy, bago mag-avail ng bagong pension loan, dapat ma-pay muna 'yung old-age pensioners natin ['yung existing loan]” dagdag pa ni Malubay. 

Paano Mag-apply?

Maaari ang over-the-counter application sa mga branches ng GSIS, pero hinihikayat ng ahensiya ang mga old-age pensioners na gawing online ang application para sa kaligtasan ng mga aplikante habang may coronavirus disease (COVID-19) pandemic. 

Ayon sa website ng GSIS, maaaring i-email ang aplikasyon online sa kanilang portal na "Electronic GSIS Member Online (eGSISMO)" o i-email ang requirements sa kanilang branch office. 


Ano ang mga requirements?

Para maka-avail ng nabanggit na loan, mag-sumite lamang ng picture kasama ang UMID e card at application form.

Dapat ding may kasamang diyaryo na may petsa ng araw ng application. Kung walang diyaryo, maaaring kuhanin ang retrato sa tabi ng telebisyon na may pinakahuling petsa o balita sa screen. 


Paano makukuha ang loan amount?

Sa UMID card o eCard ng pensioner ipapasok ang loan kapag naaprubahan ito. 
Napag-alaman na sa regular na pension loan ng GSIS, nasa P100,000 lamang ang maaaring ma-utang sa ahensiya.

©2020 THOUGHTSKOTO

No comments: