Manila, Philippines — Bilang isang miyembro ng Social Security System o SSS, napaka-importanteng i-check kung tama ang lahat na impormasyong nasa membership record mo.
Ito'y dahil malaki ang posibilidad na ma-delay ang proseso ng loan o benefit claim sa SSS kung may makikitang discrepancies sa pangalan o birthday ng isang myembro.
Ito'y dahil mabusisi na ang SSS kung lehitimo ang ideneklarang pangalan at birthday ng SSS member lalo na kung ito ay nag-apply para sa final benefit claim kagaya na lamang ng Retirement, Total Disability at Death.
Ads
Sa ngayon, mas madali na para sa mga SSS members na i-check ang kanilang membership information online o sa pamamagitan ng kanilang My.SSS accounts na hindi na kinakailangan pang bumisita sa mga SSS branches.
Kabilang sa mga particular record na dapat i-verify para ma-update, mabago o maitama ay ang mga sumusunod:
- Name (First, Middle, Last)
- Date of Birth
- Membership Type
- Membership Status
- Marital Status
- Gender
- Beneficiaries (Spouse, Children, others)
- Contact Information (Address, Telephone/Mobile Number, E-mail Address)
- Bank Information
Para mabago o maitama, kailangan lamang ng miyembro na punan ang Member Data Chage Request Form o SS Form E-4 na maaaring makukuha sa pinakamalapit na SSS branch sa inyong lugar o ma-download mula sa SSS website na www.sss.gov.ph.
Ads
Sponsored Links
Iba-iba ang mga documentary requirements na kailangang isumite kasama ng request form dahil na-aayon ito sa particular record na gusto mong baguhin o itama, maliban na lamang sa kopya ng UMID o SSS ID Card o alinmang valid IDs para sa proper identification ng account ownership.
Para sa Change of Name o Correction of Date of Birth:
Kailangan lamang mag-sumite ng Birth Certificate o passport, kung wala nito, mag-presenta ng Certificate of Non-Availability of Birth Records mula sa City o Municipal Civil Registrar o Philippine Statistics Authority o National Archives.
Mag-presenta ng dalawang valid IDs na may pirma at picture o documents kung saan makikita ang date of birth.
Para sa Change of Membership:
Walang required documents para sa pagbabago ng membership status mula sa self-employed o voluntary.
Ngunit kailangang mag-presenta ng Marriage Contract o Marriage Certificate at working spouse's consent kung ang pagbabago ay para sa Non-Working Spouse.
Para sa Basic Updating ng Membership Status mula sa “Temporary to Permanent,”:
Kailangang mag-sumite ng Birth Certificate, kung wala nito, Certificate of Non-Availability of Birth Records mula sa City o Municipal Civil Registrar o Philippine Statistics Authority
Baptismal Certificate o Driver’s License, o Passport, o PRC Card o Seaman’s Book.
Kung wala ka ng nasabing mga IDs, mag-presenta ng alinmang IDs na may pirma at isang picture o dokumentong nagpapakita ng tamang pangalan at date of birth.
Para sa Change of Marital o Civil Status:
Mula sa Single papuntang Married, kailangang mag-sumite ng miyembro ng Marriage Contract/Marriage Certificate.
Mula sa Married papuntang Legally Separated, kailangang mag-sumite ng Decree of Legal Separation.
Mula Married papuntang Widowed, kailangang mag-sumite ng Death Certificate of spouse o Court Order on the Declaration of Presumptive Death of spouse.
Para sa Correction ng Sex o Gender:
Kailangang mag-sumite ng miyembro ng Birth Certificate, o Passport, o kopya ng SSS personal record kung saan makikita ang gender o court order na nagbibigay ng petition para sa correction ng gender na may maling entry ng gender sa birth certificate.
Para sa Updating ng mga Beneficiary o Beneficiaries:
Kailangang mag-sumite ng Marriage Contract o Marriage Certificate kung ang asawa ang idadagdag.
Birth certificate o Baptismal certificate kung ang anak ang ilalagay bilang benepisyaryo.
Para sa deletion of previously reported spouse, kailangang mag-sumite ang miyembro ng Decree of Legal Separation.
Kung legally separated, death certificate ang kailangang isumite kung namatay ang asawa habang Certificate of Finality of Annulment o Annotated Marriage Contract/Certificate kung na-annul o ideneklaran void o walang bisa ang kasal.
Wala namang dokumentong kailangang isumite para sa pag-a-update ng Contact Information at maaari itong gawin sa SSS Mobiel App o sa My.SSS account sa SSS website.
Kaugnay nito, hinihiling ng SSS sa mga miyembro na i-verify na ang kanilang mga membership record dahil importante ito para sa mabilis at hassle-free na processing ng loan at benefit applications.
©2020 THOUGHTSKOTO
No comments:
Post a Comment