SIM Card Registration Bill, aprobado na sa Kongreso

MANILA, Philippines — INAPROBAHAN na sa 3rd at final reading ng House of Representatives ang panukalang batas na magpapatupad ng SIM card registration.

Mahigit sa 180 na mga mambabatas ang pumabor sa House Bill 5793 habang anim ang umayaw at walang nag-abstain.

Sa ilalim ng panukalang batas, kailangang mag-presenta ng valid o government-issued ID na may pictures ang SIM card user bilang patunay sa identity nito sa teleccomunication company o sa direct seller.

Kailangan ding lumagda sa control-numbered registration form ang gagamit ng SIM card bilang patunay na iisang tao lamang ang bumili ng SIM card at ang pupirma sa registration form.

Maaari namang tumanggi ang seller o telco sakaling hindi masunod ang nabanggit na mga requirements.

BASAHIN: Listahan ng mga trabahong inaprobahan ng POEA papuntang UAE ngayong Disyembre!

BASAHIN: SSS Foreclosed Properties for Sale | December 2021

Ads

Sakali namang walang anumang government-issued ID ang bibili, maaaring mag-presenta ito ng NBI clearance, police clearance o Philippine Statistics Authority o PSA certified birth certificate na may ID picture na kinunan sa nakaraang anim na buwan.

Magiging subject naman ng confidentiality clause ng panukalang batas ang mga impormasyong isusumite ng mga SIM card user, maliban na lamang kung may written consent mula sa user.

Required naman ang mga telcos na ilabas ang mga detalye sakaling may court order o subpoena o kung may written request mula sa law enforcement agencies para sa nagpapatuloy na imbestigasyon partikular na kung nagamit ang SIM card sa krimen o illegal na aktibidad.

Sa ngayon, pending sa Senado ang kahalintulad na panukalang batas at nasa second reading na ito.

BASAHIN: Land Bank of the Philippines - Foreclosed Properties for Sale | December 2021

BASAHIN: Paano maging "wais" sa paggastos ng 'yong 13th Month Pay

Ads

Sponsored Links

Samantala, inihayag naman ni Senator Sherwin Gatchalian, ang principal author ng Senate version ng panukalang batas, na umaasa itong matatapos na ang kanilang diskusyon dito sa Enero.

"Hindi 'yan aabot this year, but sigurado ko, aabot 'yan January," pahayag ni Gatchalian.

"Kasi advanced stage na rin dito, nasa floor na. Sa aking pakikipag-usap sa ibang mga senador, wala namang tumututol dito, at lahat, mukhang almost everyone agrees na dapat mayroon na tayong ganito," dagdag pa nito.

Agad naman na nagpahayag ng suporta ang PLDT at ang wireless arm nito na Smart Communications sa panukalang batas dahil malaking tulong umano ito upang masawata ang mga SMS-related cybercrimes.

"The SIM card registration bill will definitely lessen the proliferation of fraudulent spam messages similar to the Smishing cases being encountered now and boost telecom security efforts as well. It will also boost e-commerce adoption and growth," ang naging pahayag ni Smart Communications vice president Roy Ibay.

©2020 THOUGHTSKOTO

www.jbsolis.com, www.jbsolis.net, www.bahayofw.com

Mobile Number Portability, Magsisimula Na | 10 Bagay na Dapat Mong Malaman

MANILA, Philippines — EPEKTIBO na sa Setyembre 30 ang mobile number portability matapos inilunsad ng mga major telecommunications providers ng bansa ang kanilang joint venture na Telecommunications Connectivity Inc o TCI.

Isa itong paghahanda sa nakatakdang mobile number portable sa iba't-ibang network simula Setyembre 30.

Sa ilalim ng mobile number portability, maaaring lumipat ng service providers ang mga telco subscribers na hindi nagpapalit ng kanilang mobile numbers.

Ito ay ayon sa representante ng tatlong major telco players sa kanilang joint press conference.

Ads

Ang TCI na joint venture ng DITO Telecommunity, Globe Telecom at PLDT Inc's Smart Communication, ang mangangasiwa sa mobile number portability.

"It is a sure win for the Filipino people... sa Mobile Portability Act, may forever," ang naging pahayag ni TCI general manager Melanie Manuel.

Naisakatuparan ang mobile number portability sa pamamagitan ng RA 11202 o An Act Requiring Mobile Service Providers to Provide Nationwide Mobile Number Portability to Subscribers.

Ayon naman kay Mario Tamayo, TCI president at senior vice president ng PLDT at Smart, naghihikayat ito ng kompetisyon sa tatlong telcos.

"We hope to usher in a new era of innovation and competition for the benefit of the Filipino people," ang naging pahayag ni Brian Patrick Lim, miyembro ng TCI management committee, at vice president ng Globe Telecom.

"Essentially, what it does is it encourages competition and it gives consumers the freedom to choose a provider with the best services," ayon naman kay TCI treasurer at chief administrative officer ng DITO Telecommunity na si Adel Tamano.

Nasa 120 million naman ang investment ng tatlong telcos sa TCI.

Ads

Sponsored Links

Ayon sa TCI, narito ang 10 bagay na dapat mong malaman ukol sa mobile portability:

1. Libre sa mga users ang paglilipat ng services providers o porting out and porting in.

2. Aabot lang ng 48-hours ang paglilipat ng telcos na may halos apat na oras na downtime bago maging epektibo.

3. Available ang serbisyong ito sa prepaid at postpaid subscribers sa kondisyon na natapos na ang lock-in period para sa mga postpaid users at na-settle o nabayaran na ang lahat na mga pananagutan.

4. Walang limit ang pag-switch ng network mula sa isa papunta sa isa sa alinmang mga telco providers.

5. Kahit walang limit, kinakailangan namang matapos ng isang subscriber ang 60-day period bago ito muling maka-request ng panibagong transfer.

6. By default, hindi masasabi ng consumers kung anong telco provider ang ginagamit ng kabilang partido.

7. Magsisimula ang switching process sa pamamagitan ng text message bago pa man i-pick-up ang bagong sim card. Ito ay subject pa umano sa improvements.

8. Kinakailangan ng isang user ng active na SIM at ang mag-rerequest ay siyang asignee sa mobile number na ipo-port.

9. Dapat walang court prohibition ang isang subscriber o user.

10. Dapat wala ding transfer of ownership ang isang user.

Inaasahan naman na nasa 1 million subscribers ang maka-a-avail ng nabanggit na serbisyo sa initial phase.

©2020 THOUGHTSKOTO

www.jbsolis.com, www.jbsolis.net, www.bahayofw.com