Sa gitna ng patuloy na paglala ng pandemya sa loob at labas ng bansa, inaprubahan sa House Committee on Health ang isang panukalang batas na may kinalaman sa kalusugan: ang substitute House Bill 4093 na naglalayong bigyan ng libreng taunang medical checkup ang mga Pilipino.
Ads
Sa isang virtual hearing na ginanap kamakailan, inaprubahan na ng komite ang ang Free Annual Medical Checkup Act na iniakda ni Anakalusugan Party-list Representative Mike Defensor.
"The recently-passed Universal Health Care Law highlights the importance of primary healthcare in promoting the health and wellness of the Filipino people," saad ni Defensor tungkol sa kanyang isinusulong na panukala, ayon sa ulat ng GMA News. "One of the aspects of primary healthcare is preventive care under which medical checkups fall and includes physical examinations and diagnostic tests."
Ads
Sponsored Links
Sa unang version ng nasabing panukala, iminungkahi ang free annual medical checkup ang diagnostic and laboratory tests para sa complete blood count, urinalysis, stool analysis, chest x-ray, at kumpletong physical exam.
Gayunman, pagkatapos ng deliberasyon ng technical working group, napagdesisyunan na limitahan lamang ang libreng checkup sa pagsusuri sa blood sugar at total cholesterol level. Ani Defensor, puwede pa naman itong mas palawakin pa sa kalaunan--depende sa kapasidad ng Philippine Health Insurance Corporation (PhilHealth).
Paliwanag niya, "We look at the expense of these two tests per person to be covered to be less than P500 which can be expanded depending on the capability of the agency in the future," paliwanag niya.
Ayon sa mambabatas, naniniwala siya na malaki ang maitutulong ng ganitong klase ng pagsusuri sa kalusugan para mabawasan ang mga pumapanaw sa sakit, gayundin ang gastos sa pagpapagamot sapagkat sa una pa lang ay maaagapan na ang pagkakaroon ng karamdaman.
"In the long run, our small initial investment in giving free annual testing for blood sugar and cholesterol levels would mean less expenses for the government in the future," dagdag pa niya.
Pagkatapos aprubahan, dadalhin sa plenaryo ang panukala para muling talakayin at aprubahan. Inaasahan na maaprubahan din ang katulad na bersiyon nito sa Senado, bago ganap na maging batas.
READ MORE:
©2020 THOUGHTSKOTO
No comments:
Post a Comment