Covid-19 vaccination card, 'di dapat i-post online! Alamin kung bakit!

MANILA, Philippines — TULOY-TULOY ang pamamakuna laban sa coronavirus disease o Covid-19 sa buong bansa. Hindi naman maikakaila na maraming mga tao ang mahilig mag-post sa social media ng kung ano-ano kabilang na ng kanilang Covid-19 vaccination card.

Sa una, maituturing na harmless ang pag-post ng mga ganitong impormasyon, ngunit nagbabala ang mga eksperto laban sa pag-post ng vaccination card online dahil para mo nang ibinibigay umano ang iyong mga personal data sa mga cybercriminals.

Ayon kay Joseph Felix Pacamarra, co-founder at chief executive officer ng computer emergency response team na Cybersecurity Philippines CERT, hindi dapat balewalain ng mga netizens ang posibilidad na magamit ang kanilang personal data mula sa kanilang vaccination card dahil sa peligro ng data privacy at identify theft.

BASAHIN: Pamimigay ng tig-P1,000 sa mga na-ECQ sa Metro Manila, Simula na!

Ads

Napag-alaman na magka-iba ang detalye ng mga vaccination card depende sa local government unit o health organization na nagbibigay nito. Ngunit madalas, napapaloob sa Covid-19 vaccination card ang mga sumusunod;

• Name
• Sex
• Barangay
• Phone Number
• Photo
• PhilHealth Number
• Vaccination Category
• Healthcare worker na nagbigay ng bakuna
• QR Code na maaring ma-scan at makikita ang medical history ng isang tao

“If you're speaking to a person with a criminal intent, that is very dangerous data,” pahayag ni Pacamarra.

Ayon pa dito, maaaring i-benta ng mga criminals ang identity ng isang tao. Sa pamamagitan din umano ng nabanggit na mga personal data, maaaring gumawa ng pekeng vaccination card na posibleng maglagay sa peligro sa ibang tao sa nagpapatuloy na Covid-19 pandemic.

Ihinalimbawa nito ang nangyari noong Hulyo sa Baguio City kung saan nagbabala ang local government sa mga turista laban sa paggamit ng mga pekeng vaccination cards matapos ang report na ibenibenta online ang nasabing mga dokumento.

BASAHIN: Philhealth, pinalawak ang outpatient dialysis sa 144 sessions

Ads

Sponsored Links

Sa ngayon, wala pa umanong nationwide system ang Pilipinas na nagbe-verify sa mga vaccination cards dahilan kung bakit mas mahirap ma-identify ang isang tao na may hawak na pekeng vaccination card.

Dagdag pa ni Pacamarra na maaaring maging dahilan ng identity theft ang pag-post online ng vaccination card lalo na't lantad dito ang mga personal information ng isang tao. Maaari din umanong maging daan ito ng mga hindi otorisadong bank transactions.

Sa halip na i-post ang vaccination card, hinihikayat na lamang nito ang publiko na mag-post ng mga pictures ng bakunadong balikat o iba pang picture na nagpapakitang nabakunahan na ang isang tao. 

Ihinalimbawa nito ang ilang vaccination sites sa Pilipinas na may sariling photo booths para sa nasabing layunin.

BASAHIN: P18 Billion sa Bayanihan 2, 'di pa nagagamit ayon sa Palasyo

©2020 THOUGHTSKOTO

www.jbsolis.com, www.jbsolis.net, www.bahayofw.com

ALAMIN: Iba't Ibang Sakit o Kondisyon na Kailangan ng Clearance bago Magpabakuna kontra Covid-19

MANILA, Philippines — TINATAPOS na ng gobyerno ang pamamakuna kontra sa coronavirus disease sa mga frontline health workers sa buong bansa at susunod na sa pila ang mga senior citizens bilang next in line sa prioritization.

Prioridad din sa Covid-19 vaccination ang mga matatanda dahil karamihan sa mga ito ay may mahihinang immune system at may comorbidity o iba pang karamdaman.

Ayon sa Department of Health o DOH, dapat magpabakuna ang publiko laban sa Covid-19 upang mabigyan ng proteksiyon laban sa pagkalat ng nabanggit na nakakahawang sakit lalo na ngayon na may surge o biglaang pagtaas ng kaso.

BASAHIN: Distribusyon ng tig-P4,000 na tulong sa mga taga - NCR Plus, Simula na!

Ads

Ngunit ayon sa isang infectious disease expert ng UERM Memorial Medical Center na si Dr Minette Claire Rosario sa segment na “Bakuna Muna” sa programang Kabayan sa TeleRadyo, inisa-isa nito ang mga sakit na kailangan munang may clearance mula sa mga doktor bago magpabakuna ang pasyente laban sa Covid-19.

“Sa health assessment checklist, may makikita doon na mga condition na kailangan ng clearance. 'Yan po 'yung sinasabing may ibang medical condition, immunocompromised o nakakapambaba ng panlaban ng ating katawan,” sabi ni Rosario.

BASAHIN: Bakuna Laban sa Covid-19: Sino ang Mauuna?

“Ang sinasabing mga kondisyon na 'yun, 'yung merong may cancer kasi kailangan natin malaman kung may tinatanggap silang chemotherapy or gamot para doon sa kanilang cancer na kondisyon. May timing po kasi 'yan doon sa pagpapabakuna. Kung tumatanggap siya ng chemotherapy kailangang ipaliwanag na pag masyadong malapit ang pagtanggap ng bakuna doon sa chemotherapy niya, halos mapapawalang-bisa 'yung bakuna." 

"Meron din mga pasyenteng may autoimmune disease, may mga lupus po o 'yung mga transplant patients pati po 'yung pasyenteng may HIV, pwede naman pong tumanggap ng bakuna pero kailangan ng clearance in the sense, kailangan nating malaman ano ba 'yung status ng kanilang karamdaman. Technically, dapat stable.”

BASAHIN: 10 Bagay na Dapat Tandaan Kung Magpapabakuna Laban sa Covid-19

Ads

Sponsored Links

Narito ang iba't-ibang sakit o kondisyon na nangangailangan ng clerance mula sa mga doktor bago magpabakuna kontra sa Covid-19.

Mga buntis at nagpapasuso:

“Pwede naman po. Ang requirement po, may guidelines na inilabas ang Philippine Obstetrical and Gynecology Society na 'yung bakuna pwede naman by second term po ng pregnancy. Tapos 'yung nagpapa-breastfeed pwede namang tanggapin 'yung bakuna.”

Dialysis Patients:

“Opo, karaniwang gusto nating i-check sa mga pasyenteng nagda-dialysis kasi nga may mga pag-aaral na 'yung mga may medical condition mas grabe ang epekto ng pagkakaaroon ng COVID sa kanila so gusto nating mabakunahan din sila.”

Mga may Cerebral Palsy:

“Pwede rin po, kailangan lang ng clearance kasi minsan meron din silang mga gamot na tinatanggap o kaya mismong kalagayan nila masyado silang parang frail o nanghihina o 'yung nourishment importante din sa status ng pagtanggap ng bakuna.”

BASAHIN: Mga tatanggi sa Covid-19 vaccine na ibibigay ng gobyerno, ilalagay sa ‘bottom list’ ayon sa DOH

Mga gumagamit ng steroids:

“Yang ang isang kondisyon na nagpapababa kasi ng panlaban ng katawan so gusto natin pinakamababang dose ng steroids na tinatanggap, tapos ulit gaano na ba katagal. Importante sa timing sa pagbakuna.”

May sakit na Alpha Thallasemia:

“Kondisyon siya sa dugo parang genetic change sa mismong DNA o protein sa katawan pero hndi po siya contraindicated, ibig sabihin pwede naman pong tumanggap ang pasyente na may Alpha Thallasemia, ng bakuna.”

Mga dating nagkaroon ng adverse effect sa bakuna:

“Assume natin na tumanggap siya ng bakuna nung bata. Usually naman po allergic reaction 'yan. Pag ganun po ang sinasabi sa tanong, kailangan po ng clearance sa espesyalista sa allergy.”

Mga may rheumatoid arthristis at may gamot na pang-suppress ng immune system para ma-kontrol ang kondisyon:

“Yan po ang isang importante na may clearance kasi nga po 'yung timing nung pagtanggap ng bakuna at 'yung klase ng gamot na tinatanggap niya para doon sa rheumatoid arthritis may kaakibat na panahon kung kailangan niya pwedeng matanggap yung COVID-19.”

Mga may Psoriasis:

“Opo, condition siya sa balat. Ang mga pasyenteng may psoriasis binibigyan din ng gamot tulad ng steroids o mas malakas na klase ng pampababa ng system so kailangang din po 'yan ng clearance. Ang gusto lang natin sa clearance ay malaman kung stable ang disease.”

May sakit na Takayasu Disease at na-stroke na noong sumailalim sa Aortic Bypass:

'Yung mga medical condition niya ito po 'yung sinasabi, lolo na 'yun condition niya sa heart, 'yan po yung isa sa mga condition na recommended na makatanggap ng bakuna. Yes, pwedeng magpabakuna, mas maganda may clearance doon sa vaccination site.”

BASAHIN: Libreng Dialysis sa Lahat na mga Senior Citizens, Inaprobahan ng House Panel

©2020 THOUGHTSKOTO

www.jbsolis.com, www.jbsolis.net, www.bahayofw.com