Mga Solo Parents, may P1,000 monthly cash aid at mas marami ang benepisyo sa ilalim ng bagong batas

MANILA, Philippines —  MAKAKATANGGAP ng P1,000 na monthly cash assistance ang mga low-income solo parents sa ilalim ng bagong batas na magbibigay ng mas maraming benepisyo sa mga solo parents.

Una rito naging batas ang Republic Act 11861 o Expanded Solo Parents Welfare Act, noong Hunyo 4 matapos hindi ito inaksyunan ni Pangulong Rodrigo Duterte.

Sa ilalim ng bagong batas, mula sa isang taon, pina-ikli sa anim na buwan ang panahon kung saan maaaring ideklara bilang single parent ang isa tao matapos ang pag-abandona.

Ads

Maliban sa P1,000 na buwanang cash aid para sa mga single parents na ang income ay below poverty line, makakakuha din ang mga solo parents na kumikita ng mas mababa sa P250,000 kada taon ng 10% na discount sa bibilhing gatas para sa kanilang mga anak, pagain, micronutrient supplements at sanitary diapers, gamot, bakuna, at iba pang medical supplements para sa kanilang mga anak hanggang sa anim na taong gulang.

Makakakuha din ng kahalintulad na benepisyo ang mga lolo at lola na naging tanging tagapag-alaga o sole guardians ng minor de edad. 

Ads

Sponsored Links

Inatasan din ng batas ang Department of Education, Commission on Higher Education, and Technical Education and Skills Development Authority na magbigay ng mga scholarships sa mga kwalipikadong anak ng mga solo parents sa mga institusyon ng basic, higher, and technical/vocational education and training.

Dagdag pa dito ang pagbibigay ng prioridad sa mga solo parents sa mga low-cost housing project ng gobyerno at na may mas madaling payment period.

©2022 THOUGHTSKOTO

www.jbsolis.com, www.jbsolis.net, www.bahayofw.com

Pamimigay ng tig-P1,000 sa mga na-ECQ sa Metro Manila, Simula na!

MANILA, Philippines — INILABAS na ng Department of Budget and Management o DBM ang P10.89 billion na pondo na ipamimigay sa halos 11 million na mga residente ng Metro Manila na isinasailalim ngayon sa 15 araw na lockdown simula Agosto 6 hanggang Agoso 20.

Ayon sa DBM, makakatanggap ang mga apektadong low-income individual at pamilya ng tig-P1,000 kada tao o maximum na P4,000 kada pamilya upang masiguro na may pambili ng pagkain at pangunahing pangangailangan ang mga ito sa mga panahong ipinatupad ang lockdown.

Nilinaw naman ng DBM na mga local government unit o LGUs na ang magdi-determina sa pinaka-mabilis at pinaka-epektibong pamamaraan sa pamamahagi ng ayuda. Sinabi pa ng DBM na hindi maaaring gamitin ang pondo sa ibang hindi otorisadong programa, proyekto, aktibidad at gastushin.

BASAHIN: Driver's License na may 10-year validity, maaari nang ma-aplayan sa LTO simula Oktubre

Ads

Sa halos P11 billion na pondo, ang Quezon City ang makakatanggap ng pinaka-malaking alokasyon na umaabot sa P2.37 billion na sinusundan ng Manila na may P1.49 billion at Caloocan na may P1.34 billion.

Narito pa ang ibang LGUs na nilaanan ng pondo para sa ECQ ayuda:

• Las Piñas City, P488.02M
• Makati City, P511.98M
• Malabon City, P307M
• Mandaluyong City, P347.65M
• Marikina City, P365.75M
• Muntinlupa City, P441.61M
• Navotas City, P197.71M
• Parañaque City, P556.15M
• Pasay City, P356.73M
• Pasig City, P650.89M
• Pateros, P52.42M
• San Juan, P101.79M
• Taguig City, P723.97M
• Valenzuela City, P589.31M

BASAHIN: P18 Billion sa Bayanihan 2, 'di pa nagagamit ayon sa Palasyo

Ads

Sponsored Links

Paliwanag naman ni Budget Undersecretary and Officer-in-Charge Tina Canda na hindi na dadaan sa Department of Social Welfare and Development o DSWD ang pondo sa halip diretso na ito sa mga LGUs para sa mabilis na proseso.

Ayon naman kay Interior Undersecretary Jonathan Malaya agad na sinisimulan na ang pamimigay ng ayuda.

Sa San Juan, noong Sabado, Agosto 7 sinimulan ang pamimigay ng cash aid samantalang Linggo naman, Agosto 8 magsisimula sa pamamahagi ang Pasay City.

BASAHIN: DOLE, may alok na bisiklita, cellphone sa mga bakunadong manggagawa kontra Covid-19

©2020 THOUGHTSKOTO

www.jbsolis.com, www.jbsolis.net, www.bahayofw.com

P2,000 Ayuda sa Bawat Pinoy sa Bayanihan 3, Lusot na sa Kongreso!

MANILA, Philippines — APROBADO na ng House of Representive sa third at final reading ang isinusulong na Bayanihan to Arise As One Act or Bayanihan 3. 

Isang stimulos package na nagkakahalaga ng P401-billion ang panukalang batas na may layuning magbigay ng  "direct emergency and social amelioration" sa mga Filipinos na labis na naapektuhan ng pandemya dulot ng coronavirus disease o Covid-19.

Sa botong 238-0-1, inaprobahan ng mga mambabatas ang House Bill 9411 sa kabila ng pangamba na magiging batas ito na walang pondo dahil nirereserba na umano ang pera sa nalalapit  kampanya para sa  2022 national election.

"This P401-billion lifeline measure outlines additional interventions to ensure that our kababayans are provided direct emergency and social amelioration, have sustainable sources of income, and have stable access to affordable food and quality health services despite the impact of the COVID-19 crisis," ang naging pahayag ni House  Speaker Lord Allan Velasco said. 

ALAMIN: Paano I-Claim ang Covid-Related Benefits sa SSS?

Ads

Isa sa pinaka-sentro ng panukalang batas ang P216-billion na pondo para sa dalawang beses na cash aid na nagkakahalaga ng P2,000 na ipamimigay sa lahat na 108 million Filipinos, anuman ang edad at economic status ng isang tao.

Layunin nitong makapag-bigay ng one-time cash subsidy na P5,000 hanggang P10,000 sa bawat pamilyang apektado ng krisis sa mga lugar na nasa ilalim ng enhanced community quarantine o mas istriktong restrictions.

Pinalawak din nito ang Small Business Wage Subsidy upang matulungan ang mga micro, small at medium enterprises na apektado ng pandemya habang may wage subsidy naman na P5,000 hanggang P10,000 sa mga kwalipikadong manggagawa.

ALAMIN: P1,000 per month na minimum pension sa mga senior citizen, isinusulong

Napapaloob din sa panukalang batas ang allocations para sa mga sumusunod:

• wage subsidies
• emergency assistance to quarantine-affected households
• assistance to displaced workers
• national nutrition
• financial assistance to agri-fishery sector and cooperatives
• medical assistance to indigents
• local government support
• free COVID-testing for seafarers and other overseas Filipino workers
• pension and gratuity fund for retired military and uniformed personnel
• support to basic and higher education

Ads

Sponsored Links

Popondohan umano ang panukalang batas mula sa unprogrammed funds at savings ng iba't-ibang mga government agencies.

Gagamitin din dito ang savings sa unang dalawang Bayanihan Laws at sobrang revenue collections mula sa mga tax or non tax revenue sources at mga bagong revenue collections.

Sa ngayon, nasa kamay na ng Senado ang nasabing panukalang batas.

Una nang inihayag ni Senate President Vicente Sotto III na malabong aprobahan ng Senado ang Bayanihan 3 bago mag-adjourn ang session.

ALAMIN: Mandatory Sim Card Registration, Muling Isinusulong sa Kongreso

©2020 THOUGHTSKOTO

www.jbsolis.com, www.jbsolis.net, www.bahayofw.com

Online Application para sa 2nd Tranche ng DOLE CAMP, Bukas Na!

BUKAS at maaari nang aplyan online ang ikalawang tranche ng cash assistance ng Department of Labor and Employment (DOLE) na COVID-19 Adjustment Measures Program (CAMP). Ang nasabing programa ay para sa mga manggagawa sa private sektor na nawalan ng trabaho o naapektuhan ng pandemya dulot ng coronavirus disease o Covid-19.

Ayon kay DOLE Sectretary Silvestre Bello III, isang online system ang i-denevelop ng DOLE na may layuning ma — "streamline, simplify, and digitize the submission of applications of the affected workers."

Bahagi umano ng sistema na mapadali ang proseso ng application maliba pa't maiiwasan din nito ang physical contact at masiguro ang kaligtasan ng publiko at mga empleyado ng DOLE.

Basahin: OFW na Nawalan ng Trabaho Dahil sa Covid-19, Tatanggap ng tig-P10,000 Pag-uwi!

Ads

Ang online application system para sa programa ay maaaring ma-access sa https://reports.dole.gov.ph.

Sa nasabing website, piliin lamang ang “Apply for CAMP Financial Assistance” at pumili sa mga sumusunod;

• Apply as Establishments

• Apply as DOT Accredited Establishment

• Displaced and Temporarily Laid-off Workers

Kung nag-a-apply bilang establishemento, importanteng may ERS account ang kliyente o mag-rehistro muna upang maipagpatuloy ang application.

Kung nag-a-apply bilang laid-off worker, ilagay lamang ang mga datus na kailangan. Sa ngayon, kung ang isang kliyente ay nag-a-apply para sa CAMP, maaari na nitong ma-check ang proseso ng kanyang application.

Basahin: DOLE, mamamahagi ng P13 billion Bayanihan 2 Cash Aid; Sino-Sino ang Makakatanggap?

Ads

Sponsored Links

Una nang inihayag ng DOLE na hindi na maaaring maka-avail sa 2nd trance ng CAMP ang mga private sector workers na una nang naging benipisyaryo ng iba't-ibang social amelioration program ng gobyerno ng kinabibilangan ng mga sumusunod;

• small business wage subsidy
• social security system unemployment benefit
• cash assistance for rice farmers
• DSWD Programs

Sa ilalim ng CAMP, magbibigay ng DOLE ng one-time P5,000 financial aid sa mga kwalipikadong beneficiaries upang maibsan ang epekto ng Covid-19 sa kani-kanilang mga trabaho.

Narito ang proseso at iba pang impormasyon ukol sa DOLE-CAMP!

Basahin: Kailangan ng Emergency Loan Dahil sa Bagyo o Iba pang Kalamidad? Narito ang 5 Maari Mong Mautangan

Basahin: Pres. Duterte, Minamadali na ang Pagtatag ng OFW Department

©2020 THOUGHTSKOTO

www.jbsolis.com, www.jbsolis.net, www.bahayofw.com

OFW na Nawalan ng Trabaho Dahil sa Covid-19, Tatanggap ng tig-P10,000 Pag-uwi!

MANILA, Philippines — SAMPUNG libong piso government assistance ang agad na matatanggap ng mga Overseas Filipino Workers o OFW na mapapa-uwi sa bansa dahil sa Coronavirus disease o Covid-19.

Ito'y matapos inako ni Department of Labor and Employment o DOLE Secretary Silvestre Bello III na naantala ang pagbibigay ng cash aid sa mga OFWs simula noong lockdown, may walong buwan na ang nakakaraan.

Sa tala ng Department of Foreign Affairs o DFA, kabuuang 237, 363 na OFW ang narepatriate mula noong ideneklara ang Covid-19 outbreak.

Una rito, kinakailangan pa nang na-repatriate na OFW na mag-apply para sa nasabing cash assistance at maghihintay pa na ma-proseso at maaprobahan ang kanilang application.

“Why do we have to wait for the OFWs to apply? We know they were displaced because of COVID-19 and therefore they deserve the financial assistance,” 

“Once they arrive, the financial assistance given by the President for them should be ready. When they arrive at the airport, give them the assistance. Let us not wait for them to apply since we know they are OFWs,” ang naging pahayag ni Bello sa isang online news briefing.

Basahin: Pres. Duterte, Minamadali na ang Pagtatag ng OFW Department

Ads

Una rito, inatasan ni Pangulong Rodrigo Duterte ang DOLE na tapusin na ang distribusyon ng financial assistance sa mga displaced OFWs bago ang Pasko.

“I gave you so many billions to give to the workers by way of assistance,” 

“Natanong lang because marami ring nagtatanong dito on my end. I get to give answers to questions which are sometimes I have no knowledge of,” ang naging pahayag ni Pangulong Duterte.

Pinasiguro naman ni Bello na sisimulan nila ang pagbibigay ng cash aid sa mga OFWs sa Nobyembre 15 at target na ma-kompleto bago pa man ang Nobyembre 20.

Paliwanag ni Bello, na umaabot na sa P3.1 billion ang kanilang naipamigay mula sa P5 billion na pondo para sa nasabing programa.

Basahin: Swab Testing sa mga OFWs, Libre ayon sa OWWA

Ads

Sponsored Links

Nilinaw naman ng pangulo na wala itong reklamo sa distribution ng financial assistance ngunit nais lamang nitong maibigay bago ang Pasko.

“Sana dumating sa kanila para Pasko. Napakahirap ng buhay ngayon at least kung may maitulong tayo nang kaunti, ibigay na natin. I remember giving you so many billions,” 

“Wala naman akong masabi except it should reach the hands of the beneficiaries by Christmas time, at least, Disyembre may panggastos ang mga tao. Yun lang naman),” ang pahayag ng pangulo kay Bello.

Pinasiguro ni Bello na agad ibibigay ang pera sa mga darating na OFWs na napauwi dahil sa Covid-19 habang mamadaliin naman ang pagbibigay ng cash aid sa mga OFWs na naghihintay pa ng kanilang cash aid at ibibigay na ito bago matapos ang buwan.

Alamin: 'Tabang OFW': P30,000 financial aid sa pag-aaral ng mga OFW Dependents | Saan Mag-Apply?

©2020 THOUGHTSKOTO

www.jbsolis.com, www.jbsolis.net, www.bahayofw.com

Nasa 505 na Opisyal ng Gobyerno at iba pa at 104 na Barangay Kapitan Iniimbistigahan Dahil sa SAP

 Nasa 505 katao na opisyales ng lokal na gobyerno at ibang pribadong individual kasama na ang 104 na mga kapitan ng barangay ang kasalukuyang iniimbistigahan sa kasong korapsyon dahil sa pamamahagi ng SAP cash subsidy.

Ads

301 Barangay Officials, nahaharap sa kaso dahil sa illegal na pamamahagi ng SAP

Inutusan na ni Interior Secretary Eduardo Ano ang PNP o pulisya na kasuhan ang mga opisyal na nanamantala. 

Ads

Sponsored Links

Sa 17.58 milyong benepisyaryo na nakatanggap ng ayudang cash sa gobyerno, halos 4.22 milyon ang nakalista sa 4Ps o pantawid Pamilyang Pilipino Program. Ang mas maraming nakinabang ay ang 13.29 milyon na hindi mga 4Ps recipients, at may 62,028 na mga transport workers sa Metro Manila ang nakatanggap ng cash assistance. Nagtalaga naman ng P101.42 bilyong pondo at sa kasalukuyan ay nakapamahagi na ng P100.68 bilyon.

Nasa 505 na Opisyal ng Gobyerno at iba pa at 104 na Barangay Kapitan Iniimbistigahan Dahil sa SAP

Read:

Sa website ng Department of the Interior and Local Government (DILG), inanunsyo ng ahensya na parami na nang parami ang mga mamamayang lumalapit sa kanila upang ireklamo ang mga barangay official sa kanilang lugar dahil umano sa katiwaliang may kinalaman sa SAP. Ang nasabing tala, nangangahulugan daw ng 320 percent increase sa mga bilang ng barangay officials na humaharap na ngayon ng criminal charges, na 42 lamang ang kabuuan noong Mayo 20.

“Hindi ninyo matatakasan ang mga panlolokong ginawa ninyo sa pamimigay ng ayuda. Sinira ninyo ang tiwala ng gobyerno at ng inyong mga kabarangay kaya sa kalaunan, sa kulungan ang bagsak ninyo,” dismayadong wika ni DILG Secretary Eduardo M. Año. More Details Here: THOUGHTSKOTO https://www.jbsolis.com/2020/05/sinira-nyo-ang-tiwala-ng-gobyerno-134.html

Ang Criminal Investigation and Detection Group  o CIDG ay nakatanggap na ng mga reklamo sa mahigit 380 katao simula April 1 hanggang June 1 tungkol sa kanilang lokal na mga opisyal na diumano ay nananamantala sa programa ng gobyernong pamimigay ng tulong pinansyal. Maliban sa mga barangay kapitan, ayun pa kay
CIDG deputy director for administration Brig. Gen. Rhoderick Armamento na kasama sa mga iniimbistigahan ay ang 70 barangay councilors, 35 treasurers at 23 health workers.

Ayun pa kay Gen. Armamento, dalawa na ang inaresto na sila  Marcialo Mendoza, 41, executive officer ng Barangay New Cabalan in Olongapo City, at Ivor John Casinas, secretary at project coordination ng Barangay Poblacion 2 in Bansalan, Davao del Sur. Inakusahan ang mga suspek ng pamimigay ng ayuda sa kanilang mga kamag-anak at hindi qualipikadong beneficiaries at hinati-hati ang pera sa mga mahihirap na pamilyang hindi kasali sa listahan.

Halos nasa 108 kaso na ang naisampa ng CIDG sa korte kasama na ang paglabag ng Republic Act 3019 o ang Anti-Graft and Corrupt Practices Act at RA 11469 o ang Bayanihan to Heal as One Act. 

DILG: 301 barangay officials nahaharap ngayon sa kasong kriminal para sa iba

June 3, 2020

Inihayag ngayon ng Department of the Interior and Local Government (DILG) na 301 barangay officials ang nahaharap ngayon sa mga kasong kriminal matapos makumpleto ng PNP-Criminal Investigation and Detection Group ang pag-iimbestiga/case-build up sa mga naiulat na umanoy anomalya sa pamamahagi ng unang tranche ng Social Amelioration Program.

“Hindi po hihinto ang DILG at ang PNP sa paghabol sa mga kurakot na barangay, LGU officials, at personnel na ito. Inatasan mismo ni Secretary Año ang PNP na siguraduhing makakasuhan ang mga ito para maparusahan sila sapagkat talaga namang nakakagalit na sa panahon ng krisis kung kailan kailangang-kailangan ng ating mga kababayan ng tulong ay nagagawa pa nilang manloko ng mga kabarangay nila,” sabi ni DILG Underscretary and Spokesperson Jonathan E. Malaya.

Sinabi niya na ang mga 301 na bilang ng mga barangay officials na haharap sa kasong kriminal ay hanggang Hunyo 2 pa lamang, kaya dapat asahan ng mga tao ang pagsampa ng higit pang mga kasong kriminal sa mga darating na araw habang 76 pa ang iniimbestigahan pa lamang.

Sa kabuuan, 381 na ang nagreklamo at dumulog sa PNP-CIDG at sa mga kanilang regional field units para magbigay ng pahayag tungkol sa mga tiwaling gawain ng kanilang mga barangay officials sa pamamahagi ng SAP, aniya.

Batay sa pinakahuling ulat ng PNP-Criminal Investigation and Detection Group (PNP-CIDG), ang 57 punong barangay at 57 barangay kagawad ang bumubuo sa malaking bahagi ng mga kasalukuyang nahaharap sa mga kasong kriminal.

Ang mga barangay secretaries, health workers, treasurer, SK chairman, pati na ang mga opisyal at mga kawani ng LGUs ay nasampahan na din ng mga kasong kriminal. Samantala, 125 namang civilian co-conspirators ang sangkot din kasong kriminal.

Sinabi niya na lumabag sa Republic Act (RA) 3019 o ang Anti-Graft and Corrupt Practices, RA 11469 na kilala bilang Bayanihan to Heal as One Act, at RA 11332 o Law on Reporting of Communicable Diseases ang 301 na opisyal.

Sinabi ni Malaya na dahil nakatakda nang ipamahagi ang 2nd tranche ng SAP financial assistance sa mga mahihirap na pamilya, patuloy na tatanggap ang DILG at PNP ng mga reklamo at iimbestigahan ang mga ulat. “Patuloy po ang pagtanggap namin ng mga sumbong and we encourage our kababayans na ireport ang mga ganitong uri ng kalokohan.”

Pinuri din ni Malaya ang mga residenteng nag-ulat ng mga kasong ito at sinabing “isang malaking bahagi ng tagumpay na ito ay dahil sa lakas ng loob at katapangan ng ating mga kababayan na nagreport ng mga tiwaling opisyal at kawani na ito. Salamat po.”

Mga naiulat na kaso ng katiwalian sa mga barangay

Si Punong Barangay Ariel Hiquina ng Barangay San Vicente, San Jacinto, Pangasinan kasama ang kanyang mga kasabwat na Barangay Health Worker na si Elizabeth Oligan at ang municipal health worker na si Nancy Bombarda ay kasama sa mga nasampahan ng kasong kriminal dahil sa umano’y paghati sa tulong ng SAP na inilaan para sa isang sambahayan lamang.

Ayon kay Malaya, naiulat na noong huling linggo ng Abril 2020, ang mga nagrekklamo ay binigyan ng mga Social Amelioration Card (SAC) Forms upang punan, at sinabi ni Oligan na ang isang SAC form ay hahatiin sa dalawa, na nangangahulugang paghahatian ng dalawang tao ang P5,500 na tulong pinansyal.

“Ang mga opisyal na ito ay hindi nagpapatakbo ng mag-iisa kaya itong si Oligan kalaunan ay nakilala na sinasabing kumilos diumano na may basbas ng kapitan at isang tao ng munisipyo kaya sila ngayong tatlo ay nahaharap sa kasong paglabag sa Section 3(e) ng RA 3019 at Section (a) naman ng RA 11469,” sabi ni Malaya.

Nagkakahalagang P1,600 ang naiulat na binawas mula sa nakatanggap ng SAP financial aid na humantong sa mga kasong kriminal na isinampa laban kay Punong Barangay Edison Franco kasama ang kanyang mga kasabwat na mga opisyal din ng Barangay Balite, Villaba, Leyte. Ayon sa mga ulat, si Franco, sa pakikipagsabwatan sa kanyang barangay treasurer, health worker, at Day Care teacher, diumano'y gumawa ng paraan para magbawas ng P1,600.00 para ibigay umano sa mga residenteng hindi napasama sa listahan ng mga benepisyaryo.

“Mga ganitong kaso ang ipinapakiusap naming iulat ng mga residente kaya patuloy ang paghikayat namin na kanila na maglakas-loob at isumbong ang mga walang pusong ito at sisiguraduhin namin na ito ay maaksyunan,” sabi ni Malaya

source and here

©2020 THOUGHTSKOTO

www.jbsolis.com, www.jbsolis.net, www.bahayofw.com

TAGALOG: Mga Tanong at Kasagutan Tungkol sa DSWD SAP 2nd Tranche

Narito ang mga kasagutan at kung sino-sino ang maaring makatatanggap ng pangalawang bahagi ng ayuda (2nd tranche) sa ilalim ng SAP na ipinatutupad ng DSWD. 

Mabibigyan sa second tranche ng SAP ang mga waitlisted, nasa ilalim man sila ng ECQ o GCQ.

Ads

Narito ang kabuuang Frequently Asked Questions (FAQs) tungkol sa pangalawang bahagi o second tranche ng Social Amelioration Program.

Panoorin ang panayam kay DSWD Spokesperson Irene Dumlao

Ads

Sponsored Links

FAQs
PANGALAWANG BAHAGI NG SAP (SECOND TRANCHE)

1. Sino-sino ang maaring makatatanggap ng pangalawang bahagi ng ayuda (2nd tranche) sa ilalim ng SAP na ipinatutupad ng DSWD?

Maari lamang makatanggap ng pangalawang bahagi ayuda kung:

a. Kabilang sa nabigyan ng ayuda sa unang bahagi ng programa at

● Base sa balidasyon na ginawa ng DSWD, ikaw ay (i) kabilang sa mga kwalipikadong pamilya sa programa, at (ii) walang duplikasyon sa pagbibigay ng ayuda mula sa iba pang ibang ahensya ng pamahalaan (MC 9 Series of 2020, Section VIIIB6), at

● Ang iyong lugar ay kabilang sa naitalagang bibigyan ng pangalawang bahagi ng ayuda base sa kasulatan galing sa tanggapan ng pangulo.

b. Kabilang sa karagdagang 5 milyong benepisyaryo ng SAP (waitlisted o leftout) base sa isusumiteng listahan ng lokal na pamahalaan sa DSWD at alinsunod sa magiging alituntunin patungkol sa nasabing karagdagang benepisyaryo.

2. Anu-ano ang mga lugar na kasama sa makatatanggap ng pangalawang bahagi ng ayuda (2nd tranche)?

a. Mga lugar na kabilang sa nabigyan sa unang bahagi ng ayuda kabilang ang mga sumusunod:

• NCR; Region III (except Aurora); Region IV-A; Benguet; Pangasinan; Iloilo; Cebu Province; Bacolod City; at Davao City (base sa ECQ Areas per EO No. 112, S. 2020 dated 01 May 2020)

• Albay Province; at Zamboanga City (base sa ECQ Areas per Memo of Executive Secretary dated 02 May 2020)

b. Mga lugar o rehiyon na nagsumite ng karagdangang listahan may kwalipikadong benebisyaryo na kabilang sa karagdagang 5 Milyong benepisyaryo ng SAP (waitlisted o leftout)

3. Ilang pamilya ang inaasahang makatatanggap ng pangalawang bahagi ng pamimigay ayuda (2nd tranche)?

Tinatayang nasa 13.5 milyong pamilya ang makatatanggap sa second tranche kabilang ang mga sumusunod:

a. 8.5 milyong pamilya na kabilang sa 18 milyon na naunang nabigyan ng ayuda; at

b. 5 milyong pamilya na kabilang sa karagdagang benepisyaryo mula sa lahat ng rehiyon.

4. Kailan magsisimula ang SAP second tranche?

Inaasahang magsisimula ang pamimigay ng second tranche sa Hunyo pagkatapos maisagawa ang mga sumusunod:

a. Pagsusumite ng lokal na pamahalaan ng listahan ng mga nakatanggap ng ayuda sa first tranche at listahan ng mga karagdagang kwalipikadong pamilya ng benepisyaryo; at

b. Pagsasagawa ng balidasyon ng DSWD kung ang mga nakatanggap ng ayuda at karagdagang maaring tumanggap ng ayuda ay karapat dapat base sa itinalagang alintuntunin at hindi tumanggap ng iba pang ayuda mula sa ibang ahensya ng pamahalaan.

5. Sa lugar lamang ba na nasa ilalim ng ECQ ang mabibigyan ng ikalawang bugso ng ayuda?

Base sa “Bayanihan to Heal as One Act” at sa mga umiirial na panuntunan, ang pagbibigay ng ayuda ay para sa mga kwalipikadong pamilya na nasa ilalim ng ECQ. (Republic Act No. 11469; MC 9, Series of 2020).

Inanunsyo rin ng tagapagsalita ng Pangulo na ang mga kwalipikadong pamilya lamang sa mga lugar na nasa ilalim ng ECQ ang mabibigyan ng ikalawang bugso o bahagi ng SAP. Inaantabayanan lamang ng DSWD ang opisyal na kasulatan patungkol dito (May virtual presser).

6. Anong ahensya ng pamahalan ang mamahagi ng pangalawang bugso ng ayuda sa ilalim ng SAP?

Ang DSWD katuwang ang Department of National Defense (DND) at Armed Forces of the Philippines (AFP) ang mamamahagi ng pangalawang bugso ng ayuda sa ilalim ng SAP alinsunod sa kutusan ng Pangulo.

7. Saan gagamitin ang ayuda na isinauli mula sa mga hindi kwalipikadong pamilya na nakatanggap ng first tranche?

Ang mga isinauling pera ay gagamitin o ipapamahagi para sa mga kwalipikadong pamilya sa second tranche.

8. Ang sabi ng LGU, sa DSWD daw nanggaling ang listahan ng mga beneficiaries kaya madami ang hindi nakasama. Totoo ba ito?

Hindi, ang LGUs ang gumagawa ng listahan ng mga benepisyaryo base sa kanilang assessment ng mga pamilyang kwalipikado sa programa. Bagamat nagbibigay ang DSWD ng listahan ng mga mahihirap hango sa listahan ng mga Tahanang Nangangailangan o Listahanan database ng ahensya, ito ay batayan lamang ng mga posibleng benepisyaryo na isasailalim pa din sa hiwalay na pagsusuri ng LGUs (MC 7, Series of 2020, Section C at MC 8, Series of 2020).

9. Awtomatiko bang makatatanggap sa second tranche ng ayuda kung kasama na sa naisumiteng listahan ng lokal na pahalaan sa DSWD Field Office?

Hindi, magkakaroon pa muna ng balidasyon kung kwalipikado ang mga nasa listahan na naisumite ng lokal na pamahalaan.

10. Paano malalaman na hindi kwalipikado sa ayuda ang mga naisumiteng pangalan ng pamahalaang lokal para sa wailisted/left-out/additional na benepisyaryo?

Maglalathala ang barangay ng listahan ng mga kwalipikadong benepisyaryo ng SAP (MC 9 Series of 2020, Section X). Maari ding lumapit at magtanong sa Provincial/City/Municipal Social Welfare Development Office (P/C/MSWDO) na silang nagsumite ng listahan sa DSWD para sa wailisted/lestout/additional na benepisyaryo.

11. Kung nakabalik na sa kanilang bayan o lugar ang mga dating na stranded, makakakuha pa din ba sila ng ayuda?

Maaaring mapabilang sa bibigyan ng ayuda para sa second tranche kung mapatunayan na kasama ang pamilya nito sa kwalipikadong pamilya sa ilalim ng programa na hindi napabilang (left-out o waitlisted) sa unang bugso ng ayuda. Ang assessment ng kwalipikasyon sa SAP ay per pamilya at hindi indibidwal.

12. Requirement po ba ang SAC sa 2nd tranche? Paano kung kinuha ng barangay ang kopya ko?

Kailangan po ang SAC upang makapagrehistro sa ReliefAgad app na isa sa mga pamamaraan upang makakuha ng second tranche para sa mga kwalipikadong pamilya. Mangyaring makipag-ugnayan sa inyong lokal na pamahalaan para sa kopya ng inyong SAC form

5 MILYONG KARAGDAGANG BENEPISYARYO NG SAP

13. Paano ang mga kwalipikadong pamilyang hindi nakama sa first trache ng SAP?

Makakasama sa second tranche ang mga kwalipikadong pamilya na hindi nakasama sa first tranche ng SAP (waitlisted/leftout/additional beneficiaries) base sa isinumiteng listahan ng lokal na pamahalaan sa DSWD.

14. Ano ang basehan sa 5 milyong karagdagang benepisyaryo na makatatanggap ng ayuda sa ilalim ng SAP?

Ang karagdagang benepisyaryo ay base sa isusumiteng listahan ng lokal na pamahalaan sa DSWD. Matatandaan na nagkaroon ng Appeal System ang DSWD kung saan inatasang magpasa ang lokal na pamahalaan ng listahan ng mga wailisted/lleft out o mga kwalipikadong pamilya na hindi nakasama sa mga naunang nabigyan ng SAP sa kanilang mga lugar. Ang listahan na ito ay maaring gamitinpara sa pagbibigay ng ayuda para sa karagdagang 5 milyon na pamilya.

15. Ilang buwan ang matatanggap na ayuda ng 5 milyong karagdagang benepisyaryo sa ilalim ng SAP?

a. Nasa 3.5 milyon sa 5 milyong benepisyaryo ay makatanggap ng ayuda na katumbas ng dalawang buwan (P5,000 – 8,000 x 2 months). Sila ang mga benepisyaryo na kabilang sa ECQ areas alinsunod sa EO No. 112, S. 2020 dated 01 May 2020 at Memo of Executive Secretary dated 02 May 2020.

b. Ang natitirang 1.5 milyon ay makatatanggap ng ayuda na katumbas ng isang buwan (P5,000 – P8,000).

BALIDASYON NG BENEPISYARYO NG SAP

16. Hindi ba mag-re-resulta sa pagka-antala ng pag-release ng 2nd tranche ang ginagawang proseso ng validation?

Hindi. Ang kasalukuyang ginagawang alituntunin ang DSWD at ang paggamit ng teknolohiya sa pamamagitan ng ReliefAgad app ay naglalayon na mapabilis ang ginagawang validation upang hindi makaantala sa pagmimigay ng ikalawang bugso ng ayuda.

17. Ano ang sinusuri sa balidasyon na isinasagawa ng DSWD sa mga nakatanggap ng ayuda sa first tranche?

Ang balidasyon na ginagawa ay upang suriin (i) kung karapat-dapat ang benepisyaryo at (ii) kung walang duplikasyon o hindi hihigit sa isang beses tumanggap ng tulong ang pamilya mula sa DSWD at sa ibang pang ahensya na inatasang magpatupad ng hiwalay na tulong sa ilalim ng SAP (MC 9 Series of 2020, Section VIII-B).

18. Paano gagawin ang balidasyon sa mga nakatangap ng ayuda kung sila ay kwalipikado sa programa (validation as to elegibility)?

Ang balidasyon ay gagawin sa pamamagitan ng alinman sa mga sumusunod na pamamaraan:

a. Physical validation o pagpunta sa bahay bahay ng mga nakatanggap ng ayuda;

b. Remote validation o pagsasagawa ng balidasyon sa pamamagitan ng pagtawag sa cellphone, pag-email, o iba pang pamamaraan na hindi kailangang magpunta sa bahay bahay;

c. Computer algorithm o gamit ang computer program ay susurin ang mga binigay na impormasyon ng benepisyaryo sa SAC form; o

d. Iba pang mabilis at mabisang pamamaraan ng balidasyon.

19. Paano ang gagawing balidasyon upang masuri kung hindi higit sa isang beses tumanggap ng tulong ang pamilya mula sa DSWD at sa ibang pang ahensya (validation as to duplication of subsidy received)?

Mabibigay sa DSWD ang listahan ng nakatangap ng ayuda mula sa SSS, DOLE, DA, LTRFB at iba pang ahensya at ang listahan mula sa mga lokal na mapahalaan. Magkakaroon ng matching ng mga pangalan upang masuri kung nakataggap ng ayuda mula higit na isang ahenysa.

Ang mga benepisyaryong nakitang nakatanggap ng ayuda sa higit na isang ahensya ay hindi na muling makakatangap ng second tranche ng ayuda kung sakaling ang kanilang lugar ay kabilang sa naitalagang bibigyan ng pangalawang bahagi ng ayuda alinsunod sa opisyal na kasulatan na ilalabas ng Pangulo.

20. Paano ang gagawin sa mga benepisyaryo na nadiskubre na higit sa isang beses ang natanggap na ayuda?

Kailangang ibalik ang ayuda sa kanilang pamahalaang lokal. Posible din na mabigyan ng demand letter ang mga benepisyaryo na nagsasaad na kailangan nilang ibalik ang nakuhang ayuda (May 21, DSWD Virtual Presser).

21. Paano kung ang mga 4Ps beneficiaries ay nakatanggap din ng SAP?

Ang mga benepisyaryo ng 4Ps na muling nakatanggap ng SAP ay magkakaroon ng adjustment sa kanilang buwanang cash grant mula sa regular na implementasyon ng 4Ps. Ang mga 4Ps beneficiaries ay kasama sa mga benepisyaryo ng emergency cash subsidy sa ilalim ng SAP. Nakatanggap na sila ng ayuda na nagkaka-halaga ng P3,650 to P6,650 na karagdagang halaga sa tinatanggap na buwanang cash grant.

IMPLEMENTASYON NG SAP NG IBA’T IBANG AHENSYA NG PAMAHALAAN

22. Maari bang makasama sa mabibigyan ng DSWD SAP ang mga empleyado na na-disqualify sa DOLE CAMP?

Hindi. Ayon sa Republic Act No. 11469 o Bayanihan to Heal as One Act, ang emergency cash subsidy sa ilalim ng DSWD-SAP ay para sa 18 milyong mahihirap na pamilyang pinaka-naapektuhan ng ECQ na kabilang sa impormal na sektor at nawalan ng pagkakakitaan dahil sa ECQ. Base sa eligibility requirements na ito, hindi kwalipikado ang mga pamilya ng mga formal sector workers sa SAP.

23. Kailangan ba ibalik ang ayuda kung nakatanggap ang benepisyaryo sa SSS matapos naibigay ang naunang ayuda sa ilalim ng DSWD-SAP?

Kailangang ibalik ang ayuda sa kanilang pamahalaang lokal. Humingi lamang ng acknowledgement receipt bilang patunay ng pagbabalik ng ayuda. Ayon sa Republic Act No. 11469 o Bayanihan to Heal as One Act, ang emergency cash subsidy sa ilalim ng DSWD-SAP ay para sa mahihirap na pamilyang pinaka-naapektuhan ng ECQ na kabilang sa impormal na sektor. Base sa eligibility requirements na ito, hindi kwalipikado ang mga pamilya ng mga formal sector workers sa SAP.

Magpapalabas ang mga concerned agencies ng demand letter kung mapag-alaman na ang isang pamilya ay tumanggap ng doble at hindi sinauli ang ibang ayudang natanggap (May 21, DSWD Virtual Presser).

24. Ano po ba ang mangyayari kung nakatanggap ng SAP at nakatanggap pa rin sa DOLE?

Kailangang ibalik ang ayuda sa kanilang pamahalaang lokal. Humingi lamang ng acknowledgement receipt bilang patunay ng pagbabalik ng ayuda. Hindi maaring magkaroon ng duplikasyon sa pagbibigay ng ayuda. Ang DSWD ay magsasagawa ng balidasyon upang tukuyin ang eligibility ng mga benepisyaryo at ang pag-uulit o duplikasyon ng naibigay na benepisyo.

Kasama sa mga pamilya na hindi kabilang sa mga tatanggap ng SAP cash subsidy ang may mga miyembro na empleyado sa pribadong sektor, o silang mga nasa pormal na ekonomiya. Ang DOLE ay nagpapatupad ng COVID-19 Adjustment Measures Program (CAMP) para sa empleyadong ito na apektado ng krisis. Kaya naman, hindi na sila kabilang sa SAP (April 28, DSWD Virtual Presser).

25. Maari bang ang ayuda mula sa ibang ahensya ang ibabalik imbis na ang natanggap na ayuda mula sa DSWD?

Hindi. Kailangang ang ayuda mula sa DSWD ang ibalik. Ang pagtanggap ng ayuda mula sa ibang ahensya katulad ng SSS o DOLE ay nagpapatunay lamang na nasa pormal na sektor ang nakatanggap kung kaya naman hindi sya kabilang sa eligible na makatanggap ng ayuda mula sa DSWD.

Ayon sa Republic Act No. 11469 o Bayanihan to Heal as One Act, ang emergency cash subsidy sa ilalim ng DSWD-SAP ay para sa mahihirap na pamilyang pinaka-naapektuhan ng ECQ na kabilang sa impormal na sektor. Base sa eligibility requirements na ito, hindi kwalipikado ang mga pamilya ng mga formal sector workers sa SAP.

IBANG KATANUNGAN O HINAING PATUNGKOL SA SAP

26. Ano ang ginagawa ng DSWD sa mga reports ng iregularidad sa pag-identify ng mga benepisyaryo ng SAP?

Ang DSWD ay titiyaking may angkop na pagsangguni at pag-uulat sa kinauukulang opisina katulad ng DILG para sa balidasyon at/o imbestigasyon ng mga kaso ng iregularidad sa pag-identify ng mga benepisyaryo. Alinsunod ito sa Grievance Redress System na binuo tugon sa iab’t ibang uri ng reklamo.

27. Maaari bang imbestigahan ng DSWD ang mga anomalya sa pamimigay ng SP involving local social welfare and development officers at mga local officials na pinili ang mabibigyan ng ayuda base sa kanilang “kakilala” at sa “padrino system”?

Hindi. Walang awtoridad ang DSWD sa mga local social welfare and development officers at iba pang lokal officials na mga empleyado ng lokal na pamahalaan.

Magkagayunman, anumang reklamo patungkol sa mga LGU officials at employees ay ipapahatid ng DSWD sa DILG para sa karampatang aksyon.

©2020 THOUGHTSKOTO

www.jbsolis.com, www.jbsolis.net, www.bahayofw.com