SIM Card Registration Bill, aprobado na sa Kongreso

MANILA, Philippines — INAPROBAHAN na sa 3rd at final reading ng House of Representatives ang panukalang batas na magpapatupad ng SIM card registration.

Mahigit sa 180 na mga mambabatas ang pumabor sa House Bill 5793 habang anim ang umayaw at walang nag-abstain.

Sa ilalim ng panukalang batas, kailangang mag-presenta ng valid o government-issued ID na may pictures ang SIM card user bilang patunay sa identity nito sa teleccomunication company o sa direct seller.

Kailangan ding lumagda sa control-numbered registration form ang gagamit ng SIM card bilang patunay na iisang tao lamang ang bumili ng SIM card at ang pupirma sa registration form.

Maaari namang tumanggi ang seller o telco sakaling hindi masunod ang nabanggit na mga requirements.

BASAHIN: Listahan ng mga trabahong inaprobahan ng POEA papuntang UAE ngayong Disyembre!

BASAHIN: SSS Foreclosed Properties for Sale | December 2021

Ads

Sakali namang walang anumang government-issued ID ang bibili, maaaring mag-presenta ito ng NBI clearance, police clearance o Philippine Statistics Authority o PSA certified birth certificate na may ID picture na kinunan sa nakaraang anim na buwan.

Magiging subject naman ng confidentiality clause ng panukalang batas ang mga impormasyong isusumite ng mga SIM card user, maliban na lamang kung may written consent mula sa user.

Required naman ang mga telcos na ilabas ang mga detalye sakaling may court order o subpoena o kung may written request mula sa law enforcement agencies para sa nagpapatuloy na imbestigasyon partikular na kung nagamit ang SIM card sa krimen o illegal na aktibidad.

Sa ngayon, pending sa Senado ang kahalintulad na panukalang batas at nasa second reading na ito.

BASAHIN: Land Bank of the Philippines - Foreclosed Properties for Sale | December 2021

BASAHIN: Paano maging "wais" sa paggastos ng 'yong 13th Month Pay

Ads

Sponsored Links

Samantala, inihayag naman ni Senator Sherwin Gatchalian, ang principal author ng Senate version ng panukalang batas, na umaasa itong matatapos na ang kanilang diskusyon dito sa Enero.

"Hindi 'yan aabot this year, but sigurado ko, aabot 'yan January," pahayag ni Gatchalian.

"Kasi advanced stage na rin dito, nasa floor na. Sa aking pakikipag-usap sa ibang mga senador, wala namang tumututol dito, at lahat, mukhang almost everyone agrees na dapat mayroon na tayong ganito," dagdag pa nito.

Agad naman na nagpahayag ng suporta ang PLDT at ang wireless arm nito na Smart Communications sa panukalang batas dahil malaking tulong umano ito upang masawata ang mga SMS-related cybercrimes.

"The SIM card registration bill will definitely lessen the proliferation of fraudulent spam messages similar to the Smishing cases being encountered now and boost telecom security efforts as well. It will also boost e-commerce adoption and growth," ang naging pahayag ni Smart Communications vice president Roy Ibay.

©2020 THOUGHTSKOTO

www.jbsolis.com, www.jbsolis.net, www.bahayofw.com

Divorce Bill sa Pilipinas, aprobado na sa House Committee

MANILA, Philippines — PAPUNTA na sa debate sa plenaryo ng Kongreso ang isang divorce bill matapos itong inaprobahan sa committee level.

Sa isang pahayag, inanunsyo ni Albay Representative Edcel Lagman na inaprobahan na ng Committee on Population and Family Relations ang substitute bill na ginawa ng Technical Working Group.

“Today is a momentous occasion for countless wives, who are battered and deserted, to regain their humanity, self-respect, and freedom from irredeemably failed marriages and utterly dysfunctional unions,” pahayag ni Lagman.

Ayon sa mambabatas, layunin ng panukalang batas na ibalik ang absolute divorce na una nang naisagawa sa bansa noong pre-Spanish times, American colonial period, at Japanese occupation.

BASAHIN: Proseso ng annulment sa Pilipinas, isinusulong na mapabilis

Ads

Sinabi ni Lagman na pabor din sa panukala si House Speaker Lord Allan Velasco at katunayan, nagsumite ito ng mga ammendments na napapaloob na ngayon sa substitute bill na kinabibilangan ng mga sumusunod:

• provisions on court-assisted petitioners
• community-based pre-nuptial and post-matrimonial programs
• community-based women’s desks to provide assistance and support to victims of violence and abuse
• an appropriation language for the bill

Ano ang grounds para sa divorce sa ilalim ng panukalang-batas?

Paliwanag ni Lagman na ang mga grounds para sa legal separation, annulment of marriage, at nullification of marriage na naaayon sa psychological incapacity sa ilalim ng Family Code ay kasama sa mga grounds para sa absolute divorce.

Samantala, narito ang ilan pang grounds sa divorce:

• separation in fact for at least five years at the time the petition for absolute divorce is filed
• when one of the spouses undergoes a gender reassignment surgery or transitions from one sex to another
• irreconcilable marital differences as defined in the bill
• other forms of domestic or marital abuse which are also defined in the bill
• valid foreign divorce secured by either the alien or Filipino spouse

BASAHIN: 6 Steps in SSS Data Correction: Mas Mabilis, Mas Pinadali

Ads

Sponsored Links

Ayon sa mambabatas na sa ngayon, Pilipinas na lamang ang nag-iisang bansa sa buong mundo na walang divorce.

“It is hard to believe that all the other countries collectively erred in instituting absolute divorce in varying degrees of liberality and limitations. An en masse blunder is beyond comprehension,” pahayag pa nito.

“An erroneous unanimity on such a crucial familial institution defies reason and experience. Obviously, the rest of the world cannot be mistaken on the universality of absolute divorce,”dagdag pa ni Lagman.

Sa ngayon, pending pa sa committee of women, children, family relations, and gender equality ng Senado ang counterpart ng divorce bill.

BASAHIN: Driver's License na may 10-year validity, maaari nang ma-aplayan sa LTO simula Oktubre

©2020 THOUGHTSKOTO

www.jbsolis.com, www.jbsolis.net, www.bahayofw.com