JBSOLIS is a site for all about health and insurances, SSSOWWAPAG-IBIGPhilhealthbank  and cash loansforeclosed propertiessmall house designs, local and overseas job listings.

Sponsored Links



Thursday, September 03, 2020

Pre-registration process ng National ID, sisimulan na sa Oktubre





Dalawang taon matapos naging batas, target ngayon ng Philippine Statistics Authority (PSA) na masimulan ang pre-registration process ng National ID System sa susunod na buwan bilang paghahanda sa mass registration.

Una ng sinimulan ng PSA ang door-to-door na pre-registration process para sa Philippine Identification System (PhilSys) noong Hulyo na may layuning mapa-ikli ang oras sa mga registration centers.

Sa ilalim ng sistema, kinukuha ang pangalan, edad at iba pang demographic information mula sa mga tahanan habang ang biometrics information naman gaya ng fingerprints, iris scans at front-facing photographs ay kukunin sa apointment date sa mga registration centers.


Ads


Ayon kay acting Socioeconomic Planning Secretary Karl Chua, simula Oktubre, sisimulan na ang house-to-house pre-registration.

Magkakaroon naman ng appointment systems sa pagpunta sa mga registration centers para sa biometrics. Ito'y upang masunod pa rin ang social distancing requirements at malimitahan ang bilang ng mga taong pipila sa mga registration centers.


Layunin ng National ID system na magkaroon ng valid na proof of identity ang lahat na mga citizens at resident aliens sa bansa sa pamamagitan ng pagkuha ng kani-kanilang mga basic personal information at biometric data.

Suporta umano ito sa layunin ng gobyerno na palakasin ang social protection at financial inclusions. Sa pamamagitan ng formal indentification, matutulungan ang mga low-income families na makapag-bukas ng account sa bangko. Magiging madali at simple din umano ang mga gagawing transaksiyon sa gobyerno.


Ads
Sponsored Links



Target ng PSA na marehistro ang nasa limang milyong household heads ngayong taon habang 40 million katao naman sa susunod na taon.
Posible din umano itong mapadali depende sa quarantine status ng isang lugar.

Una nang iniutos ni Pangulong Rodrigo Duterte na madaliin ang implementasyon ng national ID system na makakatulong sa mabilis na distribution ng emergency cash transfer sa mga low-income at vulnerable household kasabay ng kinakaharap na pandemya.




©2020 THOUGHTSKOTO

No comments:

Post a Comment