JBSOLIS is a site for all about health and insurances, SSSOWWAPAG-IBIGPhilhealthbank  and cash loansforeclosed propertiessmall house designs, local and overseas job listings.

Sponsored Links



Saturday, October 02, 2021

Application para sa UMID ID Cards, Muling Binuksan ng SSS




MANILA, Philippines — MATAPOS nahinto ng ilang buwan dahil sa coronavirus disease o Covid-19 pandemic, inanunsyo na ng Social Security System o SSS ang muling pagbabalik ng Unified Multi-Purpose Identification o UMID Card Application service ng ahensiya.

Base ito sa SSS Resolution No. 475-s2021 na may petsang Setyembre 24, 2021 kung saan nakasaad ang muling pagbabalik ng nabanggit na serbisyo simula Setyembre 27 nitong taon.


Ngunit pinasiguro ng SSS na ipapatupad ito kasabay ng mas istriktong health at safety protocols laban sa Covid-19 ayon sa mga sumusunod na guidelines.

Una, ang mga miyembro ay maaaring mag-apply para sa UMID ID sa pamamagitan ng mga sumusunod:
  • Sa SSS branches alinsunod sa kasalukuyang mga policies at procedures sa pagtanggap ng anumang uri ng branch transactions.

  • Online sa pamamagitan ng My.SSS account kung saan maaaring magpa-appointment para sa biometric data capture sa napiling SSS branch.
Ads


Nilinaw naman ng SSS na hindi na kailangang mag fill-up ng UMID Card application form ang mga miyembrong nag-apply online ng SS number simula Disyembre 20, 2020 sa halip kailangan lamang ng mga ito na magpa-schedule ng appoinment para sa biometric data capture sa pamamagitan ng Appointment System sa My.SSS.

Ngunit maaari pa ring piliin ng miyembro na mag-file ng manual UMID card application sa alinmang SSS Branches o Service & Foreign Offices.


Ano ang mga requirements na dapat dalhin ng isang miyembro sa pag-apply nito ng UMID ID Card?
  • Isang properly accomplished UMID application form. Inaanyayahan naman ng SSS ang mga miyembro na idownload ang form mula sa SSS website at tapusin bago pumunta sa SSS Branch upang malimitahan ang oras.

  • Isang primary ID, ngunit kung wala nito, dalawang secondary valid IDs.

Ads

Sponsored Links

Paalala ng SSS sa mga miyembro na sumunod pa rin sa mga health protocols na pinatutupad upang maiwasan ang pagkalat at hawaan ng Covid-19.

Dagdag pa ng SSS na posibleng magkaroon ng delays sa production at availability ng mga UMID Cards at ipapaalam ng mga ito sa mga UMID applicants kung handa na ang kanilang cards upang ma pick-up.




©2020 THOUGHTSKOTO

No comments:

Post a Comment