JBSOLIS is a site for all about health and insurances, SSSOWWAPAG-IBIGPhilhealthbank  and cash loansforeclosed propertiessmall house designs, local and overseas job listings.

Sponsored Links



Friday, December 18, 2020

P6,000 Standard Salary ng mga Kasambahay sa Buong Bansa, Pinag-aaralan ng DOLE



MANILA, Philippines —  Iminumungkahi ngayon ng Department of Labor and Employment o DOLE ang pagkakaroon ng P6,000 na standard salary para sa mga kasambahay sa buong bansa dahil sobrang baba umano ang kasalukuyang rate na nasa P2,000 hanggang P3,000.

Sa isang pahayag kinumperma ni Labor Secretary Silvestre Bello III na inutos na nito sa iba pang opisyal ng DOLE na pag-aralan ang posibilidad kung maaari bang ipatupad ang P6,000 na pasahod sa mga kasambahay sa buong Pilipinas.

Naniniwala si Bello na nararapat lamang ang nasabing sweldo para sa mga kasambahay ngunit nilinaw nito na proposal pa lamang ang kanyang iminumungkahing P6,000.


Ads


“’Yong tungkol sa mga kasambahay, proposal pa lang ‘yon na ‘yong P6,000. Pero ako, sa tingin ko resonable ‘yong P6,000,” ani Bello sa virtual press briefing.

Kung hindi aniya kaya ng employer ang naturang pasahod ay makabubuting huwag na lang silang kumuha ng kasambahay at sila na lang ang gumawa ng mga gawaing-bahay.

“In my opinion, there should be P6,000 nationwide minimum wage rate for all domestic workers. Don’t hire housemates for a meager P2,000 to P3,000. That’s too low,” pahayag ni Bello.

“What I prefer is, regardless if they are in Isabela or Mindanao, the salaries of household workers will be the same.”

“If you cannot afford P6,000, then do the work yourself. You do the cleaning, laundry, and others by yourself. Don’t hire [a] housemaid for a very meager amount of P3,000, masyadong mababa ‘yon,” dagdag niya.

Sa buwanang P6,000 maaari nang mapaaral ng isang kasambahay ang mga anak nito.

“I believe P6,000 is already a reasonable amount. You can already send a child to school with that,” dagdag pa ng opisyal.


Ads


Sponsored Links


Nilinaw din ng opisyal na bawat taon, nagkakaroon ng wage adjustment ngunit mas maganda umano kung pare-pareho na ang halaga ng sahod ng mga kasambahay sa Metro Manila at mga lalawigan.

Sa ilalim ng Kasambahay Law, ang minimum wage ng household worker ay naka-depende sa rate na itinakda ng Regional Tripartite and Productivity Wage Boards (RTPWBs). Sa ngayon ang National Capital Region o NCR ang may pinaka-mataas na minimum wage rate ng mga kasambahay na nasa P5,000.

Nagpa-alala din ang DOLE na labag sa batas ang pagkuha ng domestic workers na mas mababa sa 15-anyos ang edad.

Una nang isinusulong ng isang child rights group na mas mabuting gawing 18-anyos pataas ang mga papayagang maging kasambahay upang maproteksiyunan ang mga kabataan.


©2020 THOUGHTSKOTO

No comments:

Post a Comment