Sponsored Links
SEARCH THIS SITE
JBSOLIS is a site for overseas Filipino workers, Philhealth and insurances, OWWA, PAG-IBIG, bank and cash loans, foreclosed properties, small house designs, local and overseas job listings.
EXCHANGE RATE HERE, CHOOSE CURRENCY
Advertisement

Sunday, July 19, 2015

"SA SAUDI KA LANG PALA?"





Dates photo taken at Al Khobar, Saudi Arabia

When we went home, one Sunday afternoon in the Philippines, I bravely and briefly conducted Saudi 101 in a group of around 100 people in our congregation, telling them what the real life in Saudi is.

What makes it different working in Saudi than in any other place? What makes a certain place/country the best location to work? Nice and beautiful sceneries? Cozy and pleasant environment? Tall and skyrocketing buildings? Salary and high-income places? Peace and satisfaction?

 Facebook post here
*******************





SAUDI KA LANG PALA?!

(Madami po kaming kaibigan sa ibang bansa maging sa US, Canada at Europe. Hindi po mahalaga para sa amin kung nasaan tayo, ang importante po, tayo ay nagsisikap para sa ating mga magagandang pangarap sa buhay at para sa ating mga minamahal)

“San ka ba galing?” Tanong niya sakin. “Saudi po ako. Isang buwan at kalahati kaming nagbabakasyon dito. “

Saudi ka lang pala, akala ko nasa Utah ka na, or di ba mag-aaral ka sa Hawaii?”

(Umismid ako sa “Saudi ka lang pala”. Biglang uminit ang aking pakiramdam.)

“Ay hindi na po ako natuloy sa Utah, wala po kasi kaming pera noon para sa show money para maaapprove yung scholarship grant ko sa BYU or sa Hawaii.”

“Anong trabaho mo dun sa Saudi? Ang init-init dun di ba?” 

“Chemist po ako. Mainit po kung summer pero sobrang lamig naman pag winter. Nagissnow pa nga po minsan sa Riyadh, capital city ng Saudi.”

“Ilang taon ka na dun? Sabi nila kapag matagal ka na sa Saudi, pag-uwi mo, wala ka nang trabahong makukuha at wala ka nang masyadong alam. Nakakabobo daw dun.”

(Nagpanting ang tainga ko, dinig na dinig ko ang kalampagan ng drum at cymbal, pati kampana. Bumuntung hininga ako at sumagot…)

“ Magwawalong taon na kami dun, kasama ko ang misis ko, at dun na ipinanganak ang dalawang baby namin. Walang trabaho? Baka po wala ng mahanap na trabaho dahil kakarampot po ang sahod ng mga ultimong technician dito, minsan nga 3 months kontrakwal lang, ang dami pang deductions lalo na tax at baka po nabobobo dahil hindi po kami ganun kaupdated ng mga nangyayaring corruption lalo na sa gobyerno at mga krimen na nangyayari dito sa Pilipinas.”

Sabay tanong ko sa kanya, “Nakapag-abroad na po ba kayo? “ 
(Alam ko na nakapagbakasyon na siya sa Hongkong, sa Europe, sa Macau, sa US.) 

“May mga kakilala po ba kayo na nagwowork din sa Saudi o sa Middle East?” 

Si Pareng Domeng niya daw, at ang mga pamilyang Maganto at mga anak ni Aling Trisya mga OFW daw yun sa Saudi o Dubai hindi niya matandaan, pero mahirap pa rin daw ang buhay. Yung isang anak nga ni Aling Trisya, umuwi daw dahil 3 months na walang pasahod ang kompanyang pinapasukan. 

“Bakit kasi Saudi pa kayo nag-aabroad, ang dami naman sa Malaysia, sa Singapore o sa Australia o sa US o Canada.”

Depensa ko, “Ano po bang kaibahan ng OFW sa Saudi kaysa sa ibang bansa? Sa Middle East po, we enjoy some benefits that other OFW’s doesn’t enjoy. Most common is the free tax kaya buong-buo ang salary na makukuha mo. The benefits and standard of living of most OFW’s are higher because the costs of living are cheap as well as the price of goods. Nakakaipon ng malaki kasi nga walang taxes and many fees. And besides pangalawa po sa US ang Saudi at Middle East sa may pinakamaraming OFW sa buong mundo. With regards to the walang pasahod, marami po talagang ganung kwento sa Saudi, kakaawa nga eh. Pero sipag, tiyaga at tibay ng loob ang labanan sa buhay abroad. Dyan sa pamumuhay sa Middle East lalo na sa Saudi na siyang sentro ng relihiyong Islam nasusukat ang tibay ng isang OFW.”

“Sa Saudi na pala pinanganak ang anak niyo, di Saudi citizen yan?" Tanong niya. 

“Hindi po wala pong ganyan sa Saudi. Filipino pa rin po sila. Sa totoo lang po, mas masaya sanang kasama ng mga OFW ang kanilang pamilya dito sa abroad, pero nakakalungkot din na hindi lahat ay makakasama ang pamilya, ganun pa man, masaya na rin sila na napupunan ang mga pangangailangan na hindi kayang tugunan kung mananatili lang sila sa Pinas”

I joke around before we part ways. 

“May suggestion po ako sa inyo, tutal, natour naman na ninyo ang mundo, bakit di niyo subukang bumisita ng Saudi, subukan ko pong hanapan kayo ng sponsor. Marami kayong matutunan dun, at malalaman niyo ang tunay na sitwasyon ng mga kababayan natin. May masaya, malungkot, at may nagtitiis, nagsisikap para matupad ang mga pangarap. Ipagdaddrive ko po kayo ng kahit anong uri ng sasakyan, (nagyabang ako ng konti na lahat ng klaseng magagandang sasakyan nakikita sa daan, at may mga pwedeng marentahan) pasasakayin ko pa kayo ng kahit camel! Pang-asar ko na sinabi.”

Ito pong usapang ito ay isang halimbawa kung papaano na sa sariling bayan natin or in other places ay kulang sa information at hindi tamang pananaw about sa tunay na kalagayan ng buhay OFW sa Saudi . Sa palagay ko, kung gaano kadami ang nag-aakala na kapag abroad ka ay nagmimina ka ng pera at ginto, ganun din kadami ang nag-iisip na gadisyerto ang init at naliligo ka sa pawis habang nagtratrabaho dito sa Saudi o sa Middle East. Hindi po natin kailangang maliitin ang ibang tao kung saan man sila nagwowork, at hindi rin po ibig sabihin na hindi maganda sa US o Canada o sa Australia, dito lang pinalad na mapunta sa Saudi at Middle East ang mahigit sa 1.5 milyong mga OFW, kasi may opportunity dito, maayos na trabaho, para sa katuparan ng mga pangarap sa mga mahal sa buhay. Hindi importante kung sa Singapore yung iba o Malaysia o sa Hongkong o kahit sa "Saudi lang pala", ang mahalaga, masaya ang pamilya at maging maayos ang buhay ng bawat isa.

When we went home, one Sunday afternoon in the Philippines, I bravely and briefly conducted Saudi 101 in a group of around 100 people in our congregation, telling them what the real life in Saudi is.

What makes it different working in Saudi than in any other place? What makes a certain place/country the best location to work? Nice and beautiful sceneries? Cozy and pleasant environment? Tall and skyrocketing buildings? Salary and high-income places? Peace and satisfaction?

"Saudi ka lang pala?" Mas mabuti po ito, marangal na trabaho kahit nakakalungkot, nagtitiis kaysa mamatay ka at ang buong pamilya sa Pilipinas na dilat ang mata!

Mr. Thoughtskoto with his Jeddah-born son, Galei

Mr Thoughtskoto with his Al Khobar born daughter, Hevyn 

©2015 THOUGHTSKOTO