ADSENSElink

SEARCH OUR THOUGHTSKOTO BLOG HERE, TYPE WHAT YOU WANT AND HIT ENTER

Tuesday, December 03, 2013

DALHIN ANG PAMILYA SA SAUDI – FAMILY VISA o VISIT VISA (Bring Your Family in Saudi Arabia)


DALHIN ANG PAMILYA SA SAUDI – FAMILY VISA o VISIT VISA.


GOODNEWS! ANG LBS PO AY NAGPROPROCESS NG INYONG DEPENDENT VISA. SABIHIN NIYO LANG PO NA NIREFER MULA SA PEBA.

General info: 




Yung mga two year courses o mas pinakasegurado ay yung Bachelor’s Degree at Masteral ay may tsansang madala ang pamilya sa Saudi gamit ang Family Visa kung ito ay may Work Specification o Work VISA na hindi bababa sa “TECHNICIAN”

Yung mga vocational courses, 6 months hanggang hindi lalagpas sa 2 years na kurso ay may tsansang makakuha ng VISIT VISA para sa kanilang asawa at pamilya kung ang work visa ay hindi bababa sa “Technician”.

Para makaseguro, tanungin ang inyong HR kung ang profession niyo ba ay pwedeng magdala ng pamilya o pwedeng makakuha ng visit visa.

MGA TIPS o PROSESO

1. Kuhanan ng passport ang bawat miyembro ng pamilya.

2. Humingi ng EMPLOYMENT CERTIFICATE at SALARY CERTIFICATE SA INYONG KUMPANYA SA SAUDI. IPAAUTHENTICATE SA CHAMBER OF COMMERCE.


3. Ipunin ang mga CERTIFIED TRUE COPY ng Diploma/ Certificate at Transcript of Records. Ipunin ang NSO na birth certificate ng mga anak at NSO na marriage certificate.

4. Ipa-RED Ribbon ito sa DFA sa Pasay, sa lumang DFA. P200 bawat dokumento ang bayad.
Update: May nakapagsabi sa amin na wala na sa Pasay ngunit doon na sa may bagong building malapit sa Mall of Asia ang red ribbon stamping.

5. Ipasalin sa legal na License Translation ang mga dokumento.

6. Dalhin ito sa agency kagaya ng “LBS Recruitment” o “Deltavir” para matatakan ng Saudi Embassy sa Pilipinas. Hindi tumatanggap ang Saudi Embassy ng walk-in, dapat ipadaan mo ito sa agency. Nagpapabayad ang agency ng halos  P500 bawat dokumento at patatak.
7. Ipadala ang mga papeles na ito, mga passport copy, red ribbon documents sayo dito sa Saudi Arabia. 

8. Pumila sa ISTIQDAM o bilihin ng VISA.

9. Ipaaassess sa mga tauhan ng Estigdam kung tama ba ang iyung mga dokumento at humingi ng application form.

10. Bibigyan ka nila ng APPLICATION FORM. Pafill –up mo ito sa Arabic maliban sa TAMANG o NAKACOMPUTER PRINT OUT ng pangalan ng IYUNG ASAWA at mga ANAK. Ididinit ito sa sa APPLICATION FORM.

11. May pipirmahan ka, at may pipirmahan at tatatakan ang iyong kumpanya sa bandang ibaba ng application form.

12. Pagkatapos matatakan ng kumpanya at mafill-up ang lahat ng detalye, pumunta sa CHAMBER OF COMMERCE sa inyong lugar at patatakan ang iyong application form.

13. Magbayad sa RIYADH BANK NG HALAGANG 2,000SR para sa Family VISA o 300SR para sa VISIT VISA. Pwede ring magbayad sa mga accredited na bayaran, minsan sa mga gilid ng ESTIQDAM o online via BANK, pakikumpirma kung pwede ba sa inyong mga banko. 

14. Ang Family visa ay sama-samang visa ng buo mong pamilya. Ang Visit Visa ay visa na valid for 3 months para sa iyung pamilya at renewable every 3 months, hanggang isang taon.

15. Pagkatapos matatakan ng Chamber of Commerce at makabayad, bumalik sa ESTIQDAM at ipakita ang mga dokumento pati ang resibo. Kung okey na ang lahat ng ito, bibigyan ka ng VISA (FAMILY o VISITORS)

16. Ipaphotocopy ang lahat ng mga dokumento na may red ribbon at ang VISA. Ibigay ang kopya ng VISA sa kompanya para maprocess ang PLANE TICKET ng pamilya. Kung kayo ay visitors visa, linawin sa inyong kumpanya kung sagot ba nila ang plane ticket ng iyung pamilya.

17. Ipadala ang iyong mga dokumento na may Red Ribbon, Birth Certificates, Arabic Translation pati na ang kopya ng VISA sa inyong pamilya sa Pilipinas o sa inyong agency.

18. Ibigay ang passport sa agency kasama ang mga dokumento na may red ribbon at kopya ng VISA.

19. Hihingi ng bayad ang Agency para dito ng hindi bababa sa P10,000 para sa buong pamilya.

20. Ipapadikit ng agency sa Saudi Embassy ang inyong VISA sa bawat passport ng miyembro ng pamilya na pupunta ng Saudi Arabia.

21. Hintayin ang plane ticket at ibigay sa inyong agency ang detalye. Ang agency ang magprepare ng travel documents at mga kinakailangang papel para sa pagbyahe ng inyong pamilya.

Paalala, ang mga nakasulat dito ay basi aking mga napagdaanan lamang at hindi ang batas ng Saudi. Mangyaring alamin o magresearch ng batas ng Saudi hinggil dito.

Apppreciate your comments and suggestions.

©2013 THOUGHTSKOTO

MOST POPULAR FOR A WEEK

MOST POPULAR IN ONE MONTH